الىبەك اسقار

الماتى سۋرەتشىلەر ۋچيليششەسىن، قاز م ۋ-دىڭ جۋرناليستيكا فاكۋلتەتىن بىتىرگەن. 1975-1986 -جىلدارى «ءبىلىم جانە ەڭبەك» جۋرنالى رەداكسياسىندا كوركەمدەۋشى رەداكتور، ادەبي قىزمەتكەر، ءتۇرلى بولىمدەردىڭ مەڭگەرۋشىسى، جاۋاپتى حاتشى بولدى. 1986 جىلى «ونەر» باسپاسىنىڭ باس رەداكتورى بولىپ تاعايىندالدى.

1993 -جىلدان ەلىمىزدىڭ باسپا ءسوز جانە بۇقارالىق اقپارات ءمينيسترىنىڭ ورىنباسارى، كەيىن ءبىرىنشى ورىنباسارى بولدى. 1998 -جىلدان مادەنيەت جانە اقپارات مينيسترلىگىنىڭ باسپا جانە پوليگرافيا دەپارتامەنتىن باسقاردى. 2005 -جىلدىڭ اقپانىنان بەرى پرەزيدەنت اكىمشىلىگىندە جاۋاپتى قىزمەتتە. تاۋەلسىز قازاقستاننىڭ باسپا ءىسىن قالىپتاستىرۋشى، ەلىمىزدەگى پوليگرافيا سالاسىنىڭ كورنەكتى ۇيىمداستىرۋشىسى. قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىقتىڭ لاۋرەاتى. بىرنەشە مەدالدارمەن ماراپاتتالعان.

شىعارمالارى: «قۇتمەكەن» (1979)، «تايگا تولعاۋى» (1981)، «جاسىل الەمگە ساياحات» (1985)، «ەرتە تۇسكەن بوزقىراۋ» (1989)، «ءور التاي، مەن قايتەيىن بيىگىڭدى» (1998، 2004، 2010)، «مۇنار تاۋدى، مۇزارت شىڭدى اڭسايمىن» (2003)، «سوسياليزم اڭگىمەلەرى» (2006)، «سوتسياليزم حيكاياتى» (2007)، «شابانبايداي جەر قايدا» (2008)، «كەشەگى كۇننىڭ اڭگىمەسى» (2008)، «التاي - التىن بەسىك، اتا جۇرت» (2009) كىتاپتارىنىڭ اۆتورى. «ءور التاي، مەن قايتەيىن بيىگىڭدى» رومانى بەيجىڭدەگى «ۇلتتار» باسپاسىنان جارىق كوردى (2005).