ارقان تارتىستان دۇنيەجۇزىلىك كوشپەندىلەر ويىنىنا ىرىكتەۋ سايىستارى ءوتتى
استانا. KAZINFORM - رەسپۋبليكالىق ارقان تارتىس فەدەراتسياسى 5-دۇنيەجۇزىلىك كوشپەندىلەر ويىندارىنا ارقان تارتىستان ەرلەر مەن ايەلدەر اراسىندا ىرىكتەۋ جارىستارىن باستادى.
كەشە ارقان تارتىستان ورتالىق ايماقتىق ىرىكتەۋ جارىسىنا استانا قالاسى، الماتى، ۇلىتاۋ وبلىسىنىڭ كوماندالارى قاتىستى.
اتالعان فەدەراتسيا ءمالىم ەتكەندەي، جارىس Ⅱ كەزەڭنەن تۇرادى.
1- كەزەڭدە ايماقتىق ىرىكتەۋ سىندارىندا، 2-كەزەڭدە ايماقتىق جارىستاردىڭ جەڭىمپازدارى فينالدىق سىندا باق سىنايدى.
ورتالىق ايماقتىڭ ىرىكتەۋ كەزەڭى 13- اقپان كۇنى استانا قالاسىنداعى 7№ بالالار مەن جاس وسپىرىمدەر سپورت مەكتەبىنىڭ سپورت كەشەنىندە ءوتتى.
جارىس ناتيجەسى:
ەرلەر اراسىندا
1-ورىن - ۇلىتاۋ ارقارلارى كومانداسى
جۇلدە: 500.000 تەڭگە
2-ورىن - بارىس -4 كومانداسى استانا قالاسى
جۇلدە: 300.000 تەڭگە
3- ورىن - الماتى وبلىسى كومانداسى
جۇلدە: 200.000 تەڭگە
ايەلدەر اراسىندا
1-ورىن - بارىس -3-كومانداسى استانا قالاسى
500.000 تەڭگە
2-ورىن - قارا قابىلان كومانداسى استانا قالاسى
300.000 تەڭگە
3-ورىن - الماتى وبلىسى كومانداسى
200.000 تەڭگە
فينالدىق تارتىس 7- ناۋرىز كۇنى استانا قالاسىندا وتەدى.
V دۇنيەجۇزىلىك كوشپەندىلەر ويىنى بيىل 8-14- قىركۇيەك ارالىعىندا استانا قالاسىندا وتەدى.
اۆتور كۇنسۇلتان وتارباي
