ارقاداعى امال مەرەكەسى: قىزىلجارلىق ونەرپازدار اقمولالىق ارىپتەستەرىمەن كورىستى

Амал мерекесі
Фото: Ақмола облысының мәдениет басқармасы

كوكشەتاۋ. KAZINFORM - كوكشەتاۋدا امال مەرەكەسىنە وراي اقمولا جانە سولتۇستىك قازاقستان وبلىستارىنىڭ مادەنيەت سالاسى وكىلدەرىنىڭ «ناۋرىزناما باستاۋى - كورىسۋ كۇنى» اتتى مەرەكەلىك شاراسى ءوتتى.

14- ناۋرىز - «كورىسۋ كۇنى» («امال» مەرەكەسى) ءداستۇر بويىنشا كورشىلەرگە سالەم بەرەتىن ۋاقىت.

بۇل كۇنى العاش رەت سولتۇستىك قازاقستان جانە اقمولا وبلىستارىنىڭ مادەنيەت مايتالماندارى، مادەنيەت قايراتكەرلەرى ۇزاق قىستان امان- ەسەن شىققانىنا قۋانىپ، ءبىر-بىرىمەن قول الىستى.

Амал мерекесі
Фото: Ақмола облысының мәдениет басқармасы

اقان سەرى اتىنداعى سولتۇستىك قازاقستان وبلىستىق فيلارمونياسىنىڭ «ادەمى-اۋ» ءبي ءانسامبلىنىڭ جەتەكشىسى راسيزما سۋچكوۆا، سوليستەرى عالىمجان نۇرپەيىسوۆ، ەركەبۇلان كارىپوۆ جانە ۇكىلى ىبىراي اتىنداعى اقمولا وبلىستىق فيلارمونياسىنىڭ «ايناكول» فولكلورلىق ءانسامبلى، حالىقارالىق بايقاۋلاردىڭ لاۋرەاتى «گاككۋ» بي ءانسامبلىنىڭ ۇجىمى مەن جەتەكشىسى، «مادەنيەت سالاسىنىڭ ۇزدىگى» گۇلميرا وردابايەۆا وبلىس شەكاراسى اۋماعىندا كەزدەسۋ وتكىزدى.

Амал мерекесі
Фото: Ақмола облысының мәдениет басқармасы

تاتۋلىق پەن باۋىرمالدىققا شاقىراتىن تاعلىمى مول مەرەكەدە اقمولا وبلىسى مادەنيەت باسقارماسىنىڭ باسشىسى ايگۇل ءسابيتوۆا مەن سولتۇستىك قازاقستان وبلىسى مادەنيەت، تىلدەردى دامىتۋ جانە ارحيۆ ءىسى باسقارماسى باسشىسىنىڭ مىندەتىن اتقارۋشى سانات اۋباكىروۆ جۇرتشىلىقتى ناۋرىز مەرەكەسىنىڭ باستاۋى - كورىسۋ كۇنىمەن قۇتتىقتادى.

Амал мерекесі
Фото: Ақмола облысының мәдениет басқармасы

«ءبىزدىڭ ەلىمىز ءۇشىن دوستىق پەن ىنتىماقتى ۇلگى ەتەتىن وسىنداي جارقىن مەرەكەنىڭ ماڭىزى زور. سوندىقتان بۇگىنگى شارادا بارشاڭىزدى كورىسۋ كۇنىمەن شىن جۇرەكتەن قۇتتىقتايمىن!»، - دەپ اتاپ ءوتتى ايگۇل ءسابيتوۆا.

Almaty region to celebrate Nauryz on a large scale with 700 festivities
Photo credit: Kazinform

امال مەرەكەسىندە قوس فيلارمونيانىڭ ونەر ۇجىمدارى قاۋىشىپ، ادەت-عۇرىپقا ساي شاشۋ شاشتى. ونەرپازدار ءان مەن جىردان شاشۋ شاشىپ، ەرەكشە قۋانىشتى كوڭىل-كۇي سىيلادى.

Амал мерекесі
Фото: Ақмола облысының мәдениет басқармасы

ايتا كەتسەك، بۇدان بۇرىن اقمولالىقتار بيىل ناۋرىز مەيرامىن ەرەكشە ناقىشتا تويلايتىنىن جازعان ەدىك.

سوڭعى جاڭالىقتار