ارگەنتينا - 16 دۇركىن Copa America جەڭىمپازى
استانا. KAZINFORM – ا ق ش جەرىندە وتكەن Copa America ءتۋرنيرىنىڭ فينالىندا ارگەنتينا قۇراماسى كولۋمبيانى 1:0 ەسەبىمەن جەڭىپ، ءوز قۇرلىعىندا كىمنىڭ مىقتى ەكەنىن تاعى ءبىر مارتە دالەلدەي ءتۇستى.
بۇعان دەيىن 2021 -جىلى وتكەن تۋرنيردە ارگەنتينالىقتار اقتىق سىندا برازيليادان باسىم تۇسكەن بولاتىن.
كەزدەسۋدىڭ نەگىزگى بولىگىندە بىردە- ءبىر دوپ سوعىلماي، ويىن وۆەرتايمعا ۇلاستى. جانكۇيەرلەر «جەڭىمپاز پەنالتي سەرياسىندا انىقتالاتىن شىعار» دەپ وتىرعاندا 112 مينۋتتا لاۋتارو مارتينەس جەڭىس دوبىن سوعىپ، ارگەنتينالىقتارعا جەڭىس سىيلادى.
وسىلايشا، ارگەنتينا رەكورد جاڭارتىپ، بۇل ءتۋرنيردى كوپ ۇتقان قۇراما رەتىندە تاريحقا وزگەرىس ەنگىزدى. بۇل ءدۇبىرلى دودادا ءار جىلدارى ۋرۋگۆاي 15 رەت، برازيليا 9 رەت، پاراگۆاي، چيلي جانە پەرۋ قۇرامالارى ەكى رەتتەن توپ جارعانىن اتاپ وتكەن ءجون.
ايتا كەتەيىك Copa America ءتۋرنيرى ا ق ش- تىڭ 10 شتاتىنداعى 14 ستاديوندا 21-ماۋسىم مەن 15-شىلدە ارالىعىندا ءوتتى. تۋرنيردە 16 ۇلتتىق قۇراما باق سىنادى.
ەستەرىڭىزگە سالساق، ەۋروپا قۇرلىعىندا يسپانيا قۇراماسى توپ جارعان ەدى.
