ارنايى وپەراتسيا كەزىندە مىڭنان استام قىلمىسكەر ۇستالدى

تۇركيادا «اينالىم-7»  اتاۋىمەن وتكەن ارنايى وپەراتسيا كەزىندە تۇرىكتىڭ كۇشتىك قۇرىلىمدارى مىڭنان استام قىلمىسكەردى ۇستادى، ونىڭ ىشىندە بۇعان دەيىن ىزدەۋدە بولعاندارى دا بار، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

تۇركيانىڭ ىشكى ىستەر ءمينيسترى الي يەرليكايا ءوزىنىڭ الەۋمەتتىك جەلىسىندە (بۇرىنعى Twitter) ۇستالعانداردىڭ ءبىر بولىگى 20، ءتىپتى ودان دا ۇزاق جىل باس بوستاندىعىنان ايىرىلۋى مۇمكىن ەكەنىن جازدى.

- ەلدىڭ 81 پروۆينتسياسىندا ءبىر ۋاقىتتا جۇرگىزىلگەن ارنايى وپەراتسيا كەزىندە 24 مىڭنان استام كۇشتىك قۇرىلىم قىزمەتكەرى ءتۇرلى قىلمىس جاساعان 1034 ادامدى ۇستادى، - دەدى ۆەدومستۆو باسشىسى.

پوليتسيا قىزمەتكەرلەرى، جاندارمەريا، ت ر ءى ءى م ارنايى ماقساتتاعى جاساعى، سونىمەن قاتار اسكەري قىزمەتكەرلەر كۇدىكتىلەر مەن ىزدەۋدە جۇرگەندەردىڭ پانالاپ وتىرعان ورنىنا رەيد جۇرگىزدى. كۇشتىك ۆەدومستۆولار 4 مىڭنان استام ءۇي مەن پاتەردى تەكسەردى.

ارنايى وپەراتسيا كەزىندە ادام ولتىرگەنى ءۇشىن ىزدەۋدە بولعان 13 قىلمىسكەر، لاڭكەستىك ۇيىمعا مۇشە 9 ادام ۇستالدى. قولعا تۇسىرىلگەندەردىڭ 342 ءى ءتۇرلى قىلمىس جاساعانى ءۇشىن، ونىڭ ىشىندە ۇرلىق پەن الاياقتىق جاسادى دەگەن كۇدىكپەن قاماۋعا الىندى. 239 ازامات قاراقشىلىق ءۇشىن ىزدەستىرىلىپ جاتقان ەكەن. ۇستالعانداردىڭ ىشىندە 90 ادامنىڭ ەسىرتكى جانە قارۋ ساتۋمەن بايلانىسى بار.