ارمەنيادا رەسەيدىڭ ءبىرىنشى تەلەارناسى ءوشىرىلدى

استانا. KAZINFORM - رەسەيدىڭ ءبىرىنشى ارناسىنىڭ (و ر ت) ارمەنيانىڭ جالپىعا ورتاق مۋلتيپلەكسىندە حابار تاراتۋى دەبيتورلىق بەرەشەككە بايلانىستى ۋاقىتشا توقتاتىلدى. بۇل تۋرالى ارمەنيانىڭ جوعارى تەحنولوگيالى ونەركاسىپ ءمينيسترى محيتار ايراپەتيان Facebook الەۋمەتتىك جەلىسىندەگى پاراقشاسىندا مالىمدەدى.

ارمەنپرەسس اگەنتتىگىنە مينيستر ايراپەتيان ارمەنيادا رەسەيدىڭ ءبىرىنشى ارناسىنىڭ تاراتىلۋىن توقتاتۋ تۋرالى حابارلامانى ءتۇسىندىردى.

«ارميان تەلەراديوحابار تاراتۋ جەلىسى» جاق پەن «1-ارنا، جاھاندىق جەلى» ا ق اراسىنداعى قازىرگى كەلىسىمگە سايكەس، تەلەارنا كەلىسىم-شارتتاعى مىندەتتەمەلەرىن ورىنداماي، 2,5 ايلىق قارىز جيناعان. رەسەيلىك ارنانىڭ (و ر ت) قوعامدىق مۋلتيپلەكستە حابار تاراتۋى قارىز تولىق وتەلگەنگە دەيىن توقتاتىلدى»، - دەپ جازدى ارمەنپرەسس مينيستر ايراپەتياننىڭ سوزدەرىن.

بۇعان دەيىن ارمەنيا پرەمەر-ءمينيسترى نيكول پاشينيان ارمەنيانى قۇرمەتسىزدىك تانىتقان رەسەيلىك تەلەارنالارعا تىيىم سالۋ مۇمكىندىگى تۋرالى مالىمدەدى.

اۆتور
زارينا تۋعانبايەۆا