ارمەنيادا قازاق-ارميان بيزنەس فورۋمى وتۋدە

استانا. KAZINFORM -ەريەۆاندا قازاقستان- ارمەنيا بيزنەس فورۋمى ءوتىپ جاتىر. فورۋمنىڭ كۇن تارتىبىندە قازاقستان مەن ارمەنيا اراسىنداعى ساۋدا- ەكونوميكالىق قارىم- قاتىناستى، تۋريزم مەن لوگيستيكانى دامىتۋ ماسەلەلەرى بار.

بيزنەس- فورۋمعا ق ر ساۋدا جانە ينتەگراتسيا ءمينيسترى ارمان شاققاليەۆ پەن ار ەكونوميكا ءمينيسترى گيەۆورگ پاپويان، قازاقستاننىڭ ارمەنياداعى ەلشىسى بولات يمانبايەۆ، ارمەنيانىڭ قازاقستانداعى ەلشىسى ارمەن گيەۆونديان جانە ەكونوميكانىڭ ءارتۇرلى سالالارىنىڭ 150 دەن استام وكىلدەرى قاتىسۋدا.

بيزنەس- فورۋم اياسىندا ەكىجاقتى ەكونوميكالىق قاتىناستارعا جاڭا سەرپىن بەرەتىن قۇجاتتار پاكەتىنە قول قويۋ جوسپارلانۋدا.

قازاقستاندىق دەلەگاتسيا قۇرامىندا مۇناي-گاز، ونەركاسىپ، قۇقىقتانۋ، قۇرىلىس، مەتاللۋرگيا، كولىك جانە لوگيستيكا، تۋريزم، كونديتەرلىك ونىمدەر ءوندىرىسىنىڭ وكىلدەرى بار.

بيزنەس فورۋم ءۇش سەكسياعا بولىنگەن: ساۋدا- ەكونوميكالىق ىنتىماقتاستىق، لوگيستيكا، تۋريزم. سەكتسيالار اياسىندا ەكى تاراپتىڭ وكىلدەرى قازاقستان مەن ارمەنياداعى بيزنەس ورتانىڭ اعىمداعى جاي-كۇيىن، ەلدەردە بيزنەس جۇرگىزۋ ءۇشىن بار جاعدايلار مەن مۇمكىندىكتەردى، قازاقستان مەن ارمەنيا اراسىنداعى لوگيستيكانى دامىتۋ الەۋەتىن، سونداي-اق ەكى ەلگە دە ەكسپورتتىق مۇمكىندىكتەرىن كەڭەيتۋگە مۇمكىندىك بەرەتىن جاڭا باعىتتاردى دامىتۋدى ۇسىندى.

«بۇگىنگى ءىس- شارا-ساۋدا- ەكونوميكالىق قاتىناستاردى كەڭەيتۋگە، جاڭا ءوزارا ءتيىمدى ەكونوميكالىق بايلانىستاردى ودان ءارى تەرەڭدەتۋگە جانە ورناتۋعا تاماشا مۇمكىندىك. ەكىجاقتى قارىم-قاتىناستاردى نىعايتۋدا قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ ارمەنياعا جوسپارلانىپ وتىرعان رەسمي ساپارى ەرەكشە ورىن الادى. ارمەنيانىڭ ستاتيستيكا كوميتەتىنىڭ مالىمەتىنشە، 2023 -جىلى ەلدەرىمىز اراسىنداعى تاۋار اينالىمى ايتارلىقتاي ءوستى - 104 ميلليون دوللار، بۇل 2022 -جىلعى كورسەتكىشتەردەن 2,4 ەسە جوعارى. بۇل ەلدەرىمىزدىڭ ەكىجاقتى ساۋدا- ەكونوميكالىق ىنتىماقتاستىقتى دامىتۋعا مۇددەلى ەكەنىن راستايدى»، - دەپ اتاپ ءوتتى ارمەنيانىڭ ەكونوميكا ءمينيسترى گيەۆورگ پاپويان بيزنەس فورۋمعا قاتىسۋشىلار الدىندا سويلەگەن سوزىندە.

ءوز كەزەگىندە ق ر ساۋدا جانە ينتەگراتسيا ءمينيسترى ارمان شاققاليەۆ فورۋمدى تاريحي دەپ اتاپ، بۇگىندە تاراپتار جاڭا مۇمكىندىكتەر - ءبىر- ءبىرىنىڭ ەكونوميكاسىن تولىقتىرۋ عانا ەمەس، سونىمەن قاتار ءۇشىنشى ەلدەرگە ەكسپورتتىق باعىتتاردى دامىتۋ تۋرالى ايتىپ جاتقانىن اتاپ ءوتتى.

«فورۋمدى تاريحي دەپ اتاۋعا بولادى. بۇگىن ءبىز مەملەكەت باسشىسىنىڭ ارمەنياعا رەسمي ساپارى قارساڭىندا وسىنداي اۋديتورياعا جينالدىق. ءبىز ءۇشىن ارمەنيا - ۋاقىت سىنىنان وتكەن سەنىمدى دوس. راسىندا، تاۋار اينالىمىمىز ءوستى. ساۋدامەن قاتار ينۆەستيتسيالىق بايلانىستار دا بەلسەندى دامىپ كەلەدى. ارمەنيادان قازاقستانعا قۇيىلعان تىكەلەي ينۆەستيتسيا كولەمى شامامەن 18,6 ميلليون دوللاردى قۇرادى. قازاقستاننان ارمەنياعا - شامامەن 56 ميلليون دوللار. ارينە، بۇل شەك ەمەس. بۇگىندە قازاقستاندا ەكونوميكانىڭ ءتۇرلى سەكتورلارىندا ارمەنيا كاپيتالىنىڭ قاتىسۋىمەن 380 نەن استام كومپانيا جانە 72 قازاق-ارميان بىرلەسكەن كومپانيا جۇمىس ىستەۋدە.

قۇرىلىس جانە قۇرىلىس ماتەريالدارىن ءوندىرۋ سياقتى سالالارعا سالىنعان ينۆەستيتسيا ۇلكەن ءۇمىت بەرەدى. ءبىز ينفراقۇرىلىم، تۇرعىن ۇيلەر، الەۋمەتتىك جانە باسقا دا نىسانداردى سالۋدا ايتارلىقتاي قۇزىرەت پەن تاجىريبە جيناقتادىق. ءبىزدىڭ كومپانيالار ارمەنيادا وسىنداي جوبالاردى جۇزەگە اسىرۋعا ۇلكەن قىزىعۋشىلىق تانىتۋدا. ءبىز ءوز كەزەگىمىزدە ارميان بيزنەسىن اۋىل شارۋاشىلىعى ونىمدەرىن، اسىرەسە قازاقستاننىڭ باتىس ايماقتارىندا وڭدەۋ مۇمكىندىگىن قاراستىرۋعا شاقىرامىز.

اقتاۋداعى كولىكتىك- لوگيستيكالىق قاتىسۋىمىزدى ارتتىرۋ بىزگە مۋلتيمودالدى جەتكىزۋگە جاڭا مۇمكىندىك بەرىپ وتىر. يراندىق باعىتتى بىرگە تولىق مەڭگەرۋىمىز كەرەك. بۇل جاڭا مۇمكىندىكتەر اشادى. ءوز تاراپىمىزدان ەكسپورتقا باعىتتالعان جوبالاردى ىسكە اسىرۋعا باعىتتالعان ىنتالاندىرۋ شارالارى پاكەتىن ۇسىنامىز. ءبىز اسىرەسە قىتايلىق باعىتتى اتاپ وتەمىز. ارميان ونىمدەرى قىتايدا ءوز ساتىپ الۋشىسىن تاباتىنىنا سەنىمدىمىن»، - دەدى بيزنەس فورۋمعا قاتىسۋشىلارعا ارناعان سوزىندە ق ر ساۋدا جانە ينتەگراتسيا ءمينيسترى ارمان شاققاليەۆ.

بيزنەس فورۋم بارىسىندا ەكى ەلدىڭ ىسكەرلىك ورتا جانە مەملەكەتتىك قۇرىلىم وكىلدەرى اراسىندا قازاقستان مەن ارمەنيا اراسىنداعى ەكىجاقتى ەكونوميكالىق قارىم- قاتىناستاردى مازمۇندى مازمۇنمەن تولىقتىرۋ بويىنشا مازمۇندى كەلىسسوزدەر جۇرگىزىلدى.

فورۋم اياسىندا ەكونوميكا، ساۋدا جانە ءوندىرىس سالالارىنداعى ەكىجاقتى قارىم- قاتىناستارعا قوسىمشا سەرپىن بەرۋگە ارنالعان قۇجاتتار پاكەتىنە قول قويۋ جوسپارلانۋدا.