ارمەنيا ەۋروپا وداعىنا كىرۋگە نيەتتى

армения
فوتو: Pixabay

استانا. KAZINFORM - ارمەنيانىڭ «ەۋروپالىق ۇمتىلىسى» بار جانە ەل ءوزىنىڭ سىرتقى ساياساتىن ءارتاراپتاندىرۋعا نيەتتى، دەدى س ءى م باسشىسى. پاشينيان ە و-عا كىرۋ تۋرالى ءوتىنىشتى وسى جىلدىڭ كۇزىنەن كەشىكتىرمەي تاپسىرۋدى جوسپارلاعان، دەپ حابارلايدى ر ب ك.

«ارمەنيانىڭ سوڭعى ءتورت جىلدا باستاپ وتكەرگەن بۇكىل قيىندىقتارىن ەسكەرە وتىرىپ، «جاڭا مۇمكىندىكتەر»، سونىڭ ىشىندە ەۋرووداققا كىرۋ ماسەلەسى تالقىلانىپ جاتىر»، - دەدى ارمەنيا سىرتقى ىستەر ءمينيسترى ارارات ميرزويان TRT World-قا بەرگەن سۇحباتىندا.

ارمەنيا بيلىگى ە و مەن ناتو-عا كىرۋدى ويلادى ما دەگەن سۇراققا ول وسىلاي جاۋاپ بەردى:

«ارمەنيا حالقىنىڭ ەۋروپالىق ۇمتىلىستارى بار، ءبىز بۇل پروتسەستى باستان وتكەرىپ جاتىرمىز، ونىڭ اياقتالۋى قانداي بولاتىنىن كورەمىز. ونى ەشكىم بولجاي المايدى، ەشكىم سەنىمدى بولا المايدى»، - دەدى ميرزويان.

ارمەنيا دامۋدىڭ دەموكراتيالىق جولىن تاڭدادى، بريۋسسەل مەن ۆاشينگتون بۇل قوزعالىستى قولدايدى، ال ەرەۆان ءۇشىن سەرىكتەستەر مەن وداقتاستار شەڭبەرىن كەڭەيتە وتىرىپ، بارىنشا ءارتاراپتاندىرىلۋ ماڭىزدى، دەپ جالعاستىردى مينيستر.

ول ەرەۆاننىڭ ءداستۇرلى بايلانىستى ساقتاپ، «شىعىسقا قارايتىنىن» اتاپ ءوتتى.

وتكەن جىلدىڭ سوڭىندا ميرزويان ارمەنيانىڭ ە و-عا مۇمكىندىگىنشە جاقىنداۋعا ۇمتىلىسى تۋرالى ايتقان.

پرەمەر نيكول پاشينياننىڭ ايتۋىنشا، ەۋرووداق ءدال وسىلاي ارەكەت ەتۋدە.

«ءبىز ەۋروپا وداعىمەن قارىم-قاتىناستى تەرەڭدەتكىمىز كەلەدى جانە مۇنى ايماقتىق قارىم-قاتىناسىمىزبەن ەشبىر جاعدايدا سالىستىرعىمىز كەلمەيدى»، - دەدى پاشينيان.


اۆتور
زارينا تۋعانبايەۆا

سوڭعى جاڭالىقتار