پارلامەنت ءماجىلىسى جاساندى ينتەللەكت تۋرالى زاڭ جوباسىن تالقىلايدى
استانا. KAZINFORM - پارلامەنت ءماجىلىسىنىڭ قاراۋىنا «جاساندى ينتەللەكت تۋرالى» زاڭ جوباسى مەن ەكى ىلەسپە قۇجات ەنگىزىلدى.

- مەملەكەت باسشىسى ۇكىمەتتىڭ كەڭەيتىلگەن وتىرىسىندا جاساندى ينتەللەكت تەحنولوگيالارىن قارقىندى دامىتۋ كەرەك ەكەنىن اتاپ ءوتىپ، ءبىرقاتار تاپسىرما بەردى. جاساندى ينتەللەكت جانە وعان ىلەسپە زاڭ جوبالارىنا پارلامەنت ءماجىلىسىنىڭ دەپۋتاتتارى باستاماشىلىق ەتتى. بۇل قۇجاتتار جاساندى ينتەللەكت تەحنولوگيالارىن پايدالانۋدىڭ ءبىرىڭعاي قۇقىقتىق بازاسىن قالىپتاستىرۋعا باعىتتالعان. نەگىزگى زاڭ جوباسى جاساندى ينتەللەكت سالاسىنداعى رەتتەۋدىڭ، قاۋىپسىزدىكتى قامتاماسىز ەتۋدىڭ قۇقىقتىق ءارى ۇيىمداستىرۋ نەگىزدەرىن، مەملەكەتتىك ورگاندار مەن كۆازيمەملەكەتتىك ۇيىمداردىڭ جاساندى ينتەللەكت تەحنولوگيالارىن پايدالانۋ ەرەكشەلىكتەرىن ايقىندايدى، - دەدى ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى نۇرتاي سابيليانوۆ پالاتانىڭ جالپى وتىرىسىندا.
بۇدان باسقا، ىلىسپە زاڭ جوبالارى جاساندى ينتەللەكت جۇيەلەرىن پايدالانا وتىرىپ جاسالعان ونىمدەرگە قاتىستى تۇتىنۋشىلاردىڭ قۇقىقتارىن جانە جەكە دەرەكتەرىن قورعاۋعا، جاساندى ينتەلەكت ارقىلى جاسالعان باق ونىمدەرىنىڭ قاۋىپسىزدىگىن قامتاماسىز ەتۋگە باعىتتالعان.
- سونداي-اق جاساندى ينتەللەكت جۇيەلەرىنىڭ يەلەرى ءۇشىن اكىمشىلىك جاۋاپكەرشىلىك قاراستىرىلعان. وسىعان وراي ءماجىلىستىڭ ەكونوميكالىق رەفورما جانە وڭىرلىك دامۋ كوميتەتى بۇل زاڭ جوبالارى بويىنشا قورىتىندى ازىرلەۋگە دايىن، - دەدى دەپۋتات.
بۇعان دەيىن حابارلانعانداي، قازاقستان جاساندى ينتەللەكتتى كۇندەلىكتى ومىردە قولدانۋ ءۇشىن 1 ميلليون ادامدى وقىتپاق.
اۆتور
رۋسلان عابباسوۆ