ارعىن نىعماتۋلين حالىقارالىق ىزدەۋدە - باس پروكۋراتۋرا
استانا. KAZINFORM - ق ر باس پروكۋرورىنىڭ ورىنباسارى اسەت شىنداليەۆ جاقىندا ىزدەۋ جاريالانعان ارعىن نىعماتۋلينگە قاتىستى پىكىر ايتتى.
ونىڭ ايتۋىنشا، ارعىن نىعماتۋلينگە حالىقارالىق ىزدەۋ جاريالاندى جانە ونى ينتەرپول ىسكە اسىرادى.
- حالىقارالىق ىزدەۋ ۇنەمى ينتەرپول ارقىلى جۇرگىزىلەدى. ءبىزدىڭ قۇقىق قورعاۋ ورگاندارى مۇنى ءوز بەتىمەن جاساي المايدى… ينتەرپول ارقىلى قىزىل بيۋللەتەن شىعادى، سوسىن ولار انىقتاپ، ەسەپ بەرەدى، - دەدى اسەت شىنداليەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
بۇدان بۇرىن حابارلانعانداي، جاقىندا ەلىمىزدىڭ پروكۋراتۋرا ورگاندارى ارعىن نىعماتۋلينگە ىزدەۋ جاريالادى.
قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالانعان مالىمەتكە قاراعاندا، پروكۋراتۋرا ورگاندارىنىڭ باستاما جاساۋىمەن سىبايلاس جەمقورلىققا قارسى ءىس-قيمىل اگەنتتىگى 1955 -جىلى 28-ماۋسىمدا دۇنيەگە كەلگەن نىعماتۋلين ارعىن زايروللا ۇلىنا ىزدەستىرۋ جۇمىستارىن جۇرگىزەدى.
