پاراليمپيادا ويىندارى-2024: بۇگىن قازاقستاندىقتار ەكى سپورت تۇرىنەن سايىسقا تۇسەدى

استانا. KAZINFORM - بۇگىن، 29-تامىزدا 2024 -جىلعى پاريجدە ءوتىپ جاتقان پاراليمپيادا ويىندارىندا قازاقستاندىق سپورتشىلار ەكى سايىس تۇرىنەن جارىس جولىنا شىعادى.

الدىمەن 13:20-دا پاراتاەكۆوندودان ميلانا كراۆسەۆا ەل نامىسىن قورعايدى.

ال 20:00-دە ۆولەيبولدى وتىرىپ ويناۋدان قازاقستان قۇراماسى فرانسيامەن كەزدەسەدى.

قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ الدى. جارىس 28-تامىز بەن 8-قىركۇيەك ارالىعىندا وتەدى.

پاريج پاراليمپياداسىنا ۆولەيبولدى وتىرىپ ويناۋدان ۇلتتىق قۇراما 28 جىلدان كەيىن العاش رەت قاتىسپاق. ال پارا ۇستەل تەننيسىنەن قازاقستان قۇراماسى بيىل العاش رەت پاراليمپيادا جولداماسىن جەڭىپ الدى.

ەسكە سالساق، قازاقستان پارا سپورتشىلارى بۇعان دەيىن پاراليمپيادا ويىندارىندا 2 التىن، 4 كۇمىس، 1 قولا مەدالدى ولجالاعان بولاتىن.

جارىس 28-تامىز بەن 8-قىركۇيەك ارالىعىندا وتەدى.

ايتا كەتسەك، 28-تامىزدا 2024 -جىلعى پاراليمپيادا ويىندارى سالتاناتتى تۇردە اشىلدى.

اۆتور
ءادىلجان ۇمبەت