پارا بەرۋدى ۇسىنعاندارعا قىلمىستىق جاۋاپكەرشىلىك ەنگىزىلەدى - زاڭ جوباسى

استانا. KAZINFORM - قىلمىستىق كودەكسكە پارا ۇسىنۋدى جانە ونى بەرۋگە ۋادە ەتۋدى كريميناليزاتسيالاۋ بويىنشا تۇزەتۋلەر ۇسىنىلدى.

пара алу
Фото: Freepik

 بۇل تۋرالى ءماجىلىستىڭ جالپى وتىرىسىندا سىبايلاس جەمقورلىققا قارسى ءىس- قيمىل ماسەلەلەرى بويىنشا زاڭ جوباسىن تالقىلاۋ كەزىندە ق ر سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ءبىرىنشى ورىنباسارى ۇلان سارقۇلوۆ ءمالىم ەتتى.

- پارا بەرۋگە ۋادە ەتۋ ءارى پارا بەرۋدى ۇسىنۋ ءۇشىن قىلمىستىق جاۋاپكەرشىلىك ەنگىزۋ ەسكەرىلگەن. بۇل - زاڭ جوباسىنىڭ نەگىزگى باستامالارىنىڭ ءبىرى. قىلمىستىق كودەكسكە پارا ۇسىنۋدى جانە ونى بەرۋگە ۋادە ەتۋدى كريميناليزاتسيالاۋ بويىنشا تۇزەتۋلەر، بىرىنشىدەن، سىبايلاس جەمقورلىققا قارسى ساياساتتىڭ 2022-2026 - جىلدارعا ارنالعان تۇجىرىمداماسىن ىسكە اسىرۋ جونىندەگى ءىس- قيمىل جوسپارىن ورىنداۋ ءۇشىن زاڭ جوباسىنا ەنگىزىلگەن. وسى جوسپاردىڭ 41 - تارماعىنا سايكەس، اگەنتتىككە تالعان نورمالاردى كاوزدەيتىن زاڭ جوباسىن ماجىلىسكە ەنگىزۋدى قامتاماسىز ەتۋ تاپسىرىلدى. ەكىنشىدەن، بۇل ماسەلە 16 جىلدان بەرى كۇن تارتىبىندە تۇر. 2008 -جىلى قازاقستان راتيفيكاتسيالاعان ب ۇ ۇ- نىڭ سىبايلاس جەمقورلىققا قارسى كونۆەنتسياسىندا پارانى ۋادە ەتۋدى، ۇسىنۋدى، بوپسالاۋدى قىلمىس ساناتىنا جاتقىزۋ قاجەت ەكەنى قاراستىرىلعان، - دەدى ۇ. سارقۇلوۆ.

پارا ۇسىنۋدى جانە ونى بەرۋگە ۋادە ەتۋدى كريميناليزاتسيالاۋ بويىنشا ۇسىنىمدار ەكونوميكالىق ىنتىماقتاستىق پەن دامۋ ۇيىمى ساراپشىلارىنىڭ ەسەپتەرىندە تۇراقتى نەگىزدە قامتىلعان.

- تۇزەتۋلەردى پىسىقتاۋ بارىسىندا الىس جانە جاقىن شەت ەلدەردىڭ حالىقارالىق تاجىريبەسى مۇقيات زەردەلەندى. ماسەلەن، ەكونوميكالىق ىنتىماقتاستىق جانە دامۋ ۇيىمىنىڭ بارلىق 38 ەلىندە پارا ۇسىنعانى ءارى ونى ۋادە ەتكەنى ءۇشىن قىلمىستىق جاۋاپكەرشىلىك بار، ويتكەنى ونىڭ زاڭنامادا بولۋى وەسر- گە كىرۋدىڭ مىندەتتى شارتى سانالادى. بۇل نورما پوستكەڭەستىك ايماقتاعى كوپتەگەن مەملەكەتتەردىڭ زاڭناماسىندا دا كوزدەلگەن (ءازىربايجان، ارمەنيا، گرۋزيا، قىرعىزستان، ليتۆا، مولدوۆا، ۋكراينا، ەستونيا). مۇنداي قىلمىستار بويىنشا شەتەلدەگى سوت- تەرگەۋ پراكتيكاسى مينيمالدى، جەكەلەگەن جاعدايلار عانا انىقتالادى، ءبىراق وسى سياقتى باپتىڭ بولۋ فاكتىسى ءتىپتى پارا تۋرالى اڭگىمەنىڭ ءوزى قولايسىز بولاتىنداي تارتىپكە كەلتىرەدى جانە ءتيىستى مادەنيەتتى قالىپتاستىرادى. پارا تۋرالى ۋاعدالاستىقتى اياقتالعان قىلمىس دەپ تانۋ ايقىن پروفيلاكتيكالىق اسەرگە يە بولادى، بۇل مەملەكەتكە زيان كەلتىرگەنگە دەيىن پاراقورلىقتىڭ جولىن كەسۋگە مۇمكىندىك بەرەدى، - دەدى اگەنتتىك وكىلى.

بۇدان بۇرىن حابارلانعانداي، بۇل زاڭ جوباسى اياسىندا اۋىر جانە اسا اۋىر سىبايلاس جەمقورلىق قىلمىستار جاساعانى ءۇشىن سوتتالعانداردىڭ جاريا ءتىزىلىمى ەنگىزىلەدى.

سوڭعى جاڭالىقتار