پارا العان كەدەن بەكەتى باسشىسىنىڭ ورىنباسارى 63 ميلليون تەڭگە ايىپپۇل ارقالاپ، 3 جىلعا سوتتالدى

استانا. KAZINFORM - استانادا كەدەن بەكەتى باسشىسىنىڭ ورىنباسارى پارا العان ءۇشىن 63600000 تەڭگە ايپپۇل سالىندى. بۇل تۋرالى استانا قالاسىنىڭ قىلمىستىق ىستەر جونىندەگى اۋدانارالىق سوتى ءمالىم ەتتى.

اتالعان ءىستى استانا قالاسىنىڭ قىلمىستىق ىستەر جونىندەگى اۋدانارالىق سوتى قارادى.

سوت ۇكىمىمەن ت. ق ك 366-بابىنىڭ 2-بولىگى بويىنشا كىنالى دەپ تانىلىپ، مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلا وتىرىپ، 60 ەسەلەنگەن سوما (63600000 تەڭگە) مولشەرىندە ايىپپۇل تۇرىندەگى جازا تاعايىندالدى.

د. ق ك-نىڭ 234-بابىنىڭ 2-بولىگى، 367-بابىنىڭ 2-بولىگى بويىنشا كىنالى دەپ تانىلىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلا وتىرىپ، پارانىڭ 26,6 ەسەلەنگەن سوماسى (28196000 تەڭگە) مولشەرىندە ايىپپۇل تاعايىندالدى.

ايىپتاۋدىڭ ءمانى

ت. ، كەدەن بەكەتى باسشىسىنىڭ ورىنباسارى بولا وتىرىپ، ازاماتشا د. -دان كەدەندىك شەكارا «ستامبۋل- استانا» اۋە قاتىناسى ارقىلى كونتراباندالىق جولمەن دەكلاراتسيالانباعان التىن بۇيىمدار مەن مەديتسينالىق ءدارى-دارمەكتەردى الىپ كەلگەنى ءۇشىن 1060000 تەڭگە كولەمىندە پارا العان، ال سوڭعىسى اتالعان اقشالاي سىياقىنى بەرگەن.

«سوتتالۋشىلار كىناسىن مويىنداپ، شىن جۇرەكتەن وكىندى. سوتتالۋشىلاردىڭ كىناسى كۋاگەرلەردىڭ ايعاقتارىمەن، سوت ساراپتامالارى مەن مامانداردىڭ قورىتىندىلارىمەن دالەلدەندى»، - دەلىنگەن حابارلامادا.

پروكۋرور ايىپتاۋدى قولداپ، باس بوستاندىعىنان ايىرۋ جازاسىن تاعايىنداۋدى سۇرادى. قورعاۋشى تاراپ جەڭىلدەتىلگەن ءمان-جايلاردى ەسكەرە وتىرىپ، ايىپپۇل تۇرىندەگى جازا تاعايىنداۋدى سۇرادى.

ۇكىم زاڭدى كۇشىنە ەنگەن جوق.

اۆتور
باقىتگۇل اباي قىزى