اقىلى جولدار 20 پايىز قىمباتتايدى - كولىك مينيسترلىگى
ەلىمىزدە اقىلى جولدار قاتارى كوبەيەدى جانە ونىڭ باعاسى دا وسەدى. بۇل تۋرالى كولىك ءمينيسترى مارات قارابايەۆ ءمالىم ەتتى، دەپ حابارلايدى قازاقپارات ءتىلشىسى.

«ترانزيتتىك ەل بولعان جولداردى قالپىندا ۇستاپ، كۇتۋ كەرەك. جولداردىڭ ساپاسىن جاقسارتۋ ءۇشىن قازىرگى ءتۇسىم جەتكىلىكسىز. سوندىقتان جول اقىسىن %20 عا كوتەرىپ جاتىرمىز. ەكىنشىدەن، 10 جىلدان استام جول اقىسى، ياعني تاريف وزگەرگەن جوق. ءبىز ءجيى جولدا جۇرەتىندەرگە ايلىق ابونەمەنت ۇسىنامىز. جول سۇرانىسقا يە، دەمەك باعا جولاۋشىلار ءۇشىن ارزانعا تۇسەدى دەگەن ءسوز. بۇل قازىر قولدانىستاعى 2300 شاقىرىم اقىلى جولعا قاتىستى اڭگىمە»، - دەدى مارات قارابايەۆ ۆەدومستۆودا وتكەن باسپا ءسوز ءماسليحاتىندا.
ءمينيستردىڭ ايتۋىنشا، جولدى كۇتۋدە بيۋجەتكە سالماق تۇسىرمەگەن ابزال.
«ەندى ەكىنشى ساناتتاعى، ياعني 4 جولاقتى ەمەس 2 جولاقتى جولداردى اقىلى ەتۋدى جوسپارلاپ وتىرمىز. ءبىراق، جول تەك جۇك كولىكتەرى ءۇشىن عانا اقىلى بولادى. ولارعا دا ابونەمەنت ازىرلەپ جاتىرمىز. ماقسات بىرەۋ - جولدى جاقسى ساپادا ۇستاۋ كەرەك، ال ول كولەمدى قارجىنى تالاپ ەتەدى»، - دەيدى ول.