اقتوبەنىڭ سۋ باسقان شالعاي اۋىلىندا ءالى كۇنگە دەيىن قۇرىلىس باستالمادى، حالىق نارازى

اقتوبە. KAZINFORM - ىرعىز اۋدانى نۇرا اۋىلىندا ءالى كۇنگە دەيىن قۇرىلىس جۇمىسى باستالعان جوق. اۋىلدى جاڭا ورىنعا كوشىرۋ كەزىندە قۇجاتتاردى رەتتەۋگە ۋاقىت قاجەت بولعان.

اقتوبە وبلىسى ىرعىز اۋدانىندا سۋ تاسقىنىنا قارسى كۇرەس جۇمىسى ۇزاققا سوزىلدى. قازىرگى كۇنى نۇرا اۋىلىنداعى 117 ءۇيدىڭ 22 سىىندە عانا سۋ تارتىلدى.

وزگەسى ەكى ايدان بەرى سۋدا تۇر.

بۇل اۋدانداعى سۋ دەڭگەيى 3 مەترگە دەيىن جەتىپ، تۇرعىنداردى جاڭا جەرگە كوشىرۋ شەشىمى قابىلداندى.

كەلىسىم بويىنشا بۇل اۋىل ەندى سارىوبا جەرىندە سالىنادى.

بۇگىن سول اۋىلدىڭ تۇرعىندارى 2 اي كۇتىپ شارشاعانىن، قۇرىلىستى تەز باستاپ، ءۇي سالۋدى سۇرادى.

- كوكتەمگى سۋ تاسقىنى كەزىندە ىرعىز اۋدانىندا 168 ءۇي زارداپ شەكتى. ونىڭ 161 ءى جارامسىز بولىپ قالدى. ال جەتەۋىنە كۇردەلۋ جوندەۋ جۇرگىزىلەدى. جالپى تۇرعىنداردىڭ 24 ءى دايىن ءۇي ساتىپ الۋعا كەلىسىم بەردى. ونىڭ جەتەۋى ءۇيدى الدى. ەسەپتەگەندە 137 ءۇي سالىنادى. ونىڭ 75 ءى نۇرا اۋىلىندا، 12 - مامىردا، 50 ءى ىرعىز اۋدانىنىڭ ورتالىعىندا، - دەيدى ىرعىز اۋدانىنىڭ اكىمى نۇرلان قىزبەرگەنوۆ.

ايتا كەتەيىك، نۇرا اۋىلىن سارىوبا جەرىنە كوشىرۋ ءۇشىن قۇجات جاسالدى. رۇقسات الىنىپ، وسى اپتادا قۇرىلىس ماتەريالدارى جەتكىزىلۋى ءتيىس.

ال قۇرىلىس تامىز ايىنىڭ ورتاسىندا اياقتالادى دەپ جوسپارلانعان.