اقتوبەنىڭ قوبدا اۋدانىندا تاسقىننان ءۇيسىز قالعاندارعا 147 باسپانا سالىنىپ جاتىر

тұрғын үй
فوتو: ونەركاسىپ جانە قۇرىلىس مينيسترلىگى

استانا. KAZINFORM - قۇرىلىس باسىندا 15 مەردىگەر ۇيىم، باس-اياعى 253 ادام جۇمىس ىستەپ جاتىر.

«ستروي- اقتوبە» ج ش س ەكى تۇرعىن ءۇي سالۋدا، وندا ىشكى ارلەۋ جۇمىستارى اياقتالىپ، ەلەكتر جارىعى قوسىلىپ، سۋ قۇبىرى تارتىلعان.

тұрғын үй
فوتو: ونەركاسىپ جانە قۇرىلىس مينيسترلىگى

جارىق اۋىلىندا ەكى مەردىگەر مەكەمە 17 ءۇيدىڭ قابىرعاسى مەن توبەسىن توسەپ ءبىتىردى.

قۇرىلىس جاعدايى:

- 12 ءۇيدىڭ ىرگەتاسى قۇيىلدى
- 136 ءۇيدىڭ سىرتقى قابىرعالارى تۇرعىزىلدى
- 129 ءۇيدىڭ شاتىر جابىنى ورناتىلدى
- 62 ۇيگە تەرەزە جاقتاۋلارى ورناتىلدى.

قۇرىلىس ماتەريالدارىنان تاپشىلىق جوق، بارلىعى دەر كەزىندە جەتكىزىلەدى.

үй
فوتو: ونەركاسىپ جانە قۇرىلىس مينيسترلىگى

ەلەكتر جەلىلەرىن، گاز، سۋ تارتۋ بويىنشا كەلىسىمگە قول قويىلدى، قازىردىڭ وزىندە جۇمىس ءجۇرىپ جاتىر.

قۇرىلىستى تامىز ايىندا اياقتاۋ جوسپارلانعان.

ونەركاسىپ جانە قۇرىلىس مينيسترلىگى احۋال ورتالىعىنىڭ مالىمەتىنشە، اقتوبە وبلىسىندا:

- 511 تۇرعىن ءۇي سالىنادى - ونىڭ 511 باستالدى؛
- 503 تۇرعىن ءۇيدى ساتىپ الادى - 406 ساتىپ الىندى؛
- 3073 تۇرعىن ۇيگە جوندەۋ جۇمىسىن جۇرگىزەدى - 3000 اياقتالدى.

тасқын
فوتو: ونەركاسىپ جانە قۇرىلىس مينيسترلىگى

 

سوڭعى جاڭالىقتار