اقتوبەنىڭ قوپا اۋىلىندا جانجالدان سوڭ وقۋشى كوز جۇمدى

اقتوبە. KAZINFORM - تەمىر اۋدانى قوپا اۋىلىندا وقۋشىلار جانجالىنان سوڭ ءبىر جاس ءوسپىرىم كوز جۇمدى. قازىر ەكى كۇدىكتى ۇستالدى.

وقيعا 2-قىركۇيەك كۇنى بولعان. قازىرگى كەزدە تەرگەۋ ءجۇرىپ جاتىر.

- كامەلەتكە تولماعان بالانىڭ قايتىس بولۋ فاكتىسى بويىنشا تەمىر اۋدانى پوليتسيا ءبولىمى قىلمىستىق ءىس قوزعادى. جانجالدىڭ بارلىق قاتىسۋشىلارى انىقتالىپ، پوليتسياعا جەتكىزىلدى. ەكى كۇدىكتى ۇستالدى. تەرگەۋ ارەكەتتەرى جۇرگىزىلىپ جاتىر. وزگە دە اقپارات تەرگەۋ مۇددەسى ءۇشىن جاريالانبايدى، - دەپ حابارلادى اقتوبە وبلىستىق پ د باسپا ءسوز قىزمەتى.

تەمىر اۋدانىنىڭ اكىمدىگى بولسا، بۇل جاعدايعا قاتىستى مىنانداي پىكىر بىلدىرگەنەن.

- بالالار مەن جاستارعا ءتۇسىندىرۋ جۇمىسى ۇنەمى جۇرگىزىلىپ تۇرادى. ال كەشەگى جاعداي پوليتسياعا ءمالىم. قازىر ەشتەڭە ايتا المايمىز. قوپا اۋىلىنىڭ بالالارى وتە تاماشا. ءبارى كىشكەنتايىنان باستاپ ءتۇرلى سپورت ۇيىرمەسىنە قاتىسادى. اسىق تا وينايدى. كوشەلەرى تاپ-تازا، ۇلگىلى. بۇل جاعدايدى وزىمىزدە تۇسىنبەي وتىرمىز. ۇيىمشىل بالالاردى وزگەلەرگە ۇلگى ەتىپ ايتىپ وتىرامىز، كورسەتەمىز. قازىرگى كەزدە ساباق قالىپتى ءوتىپ جاتىر. كەشە وبلىس ورتالىعىنان كوميسسيا كەلىپ، اتا-انالاردان دا تۇسىنىكتەمە الدى، - دەدى تەمىر اۋدانى اكىمىنىڭ ورىنباسارى قايرات نۇرالى.

اۆتور
التىناي ساعىندىقوۆا