اقتوبەنىڭ شالعاي اۋىلدارىنا Starlink سپۋتنيكتىك ينتەرنەتى جەتكىزىلدى

اقتوبە. KAZINFORM - اقتوبەنىڭ اۋىلدارىنا 46 Starlink سپۋتنيكتىك ينتەرنەتى قوندىرىلادى. قازىرگى كەزدە ەكەۋى جۇمىس ىستەپ تۇر.

سۋ تاسقىنى كەزىندە توتەنشە جاعداي جاريالانعان اۋداندارعا 2 Starlink ينتەرنەتى قوندىرىلدى. بۇل جۇمىس ءارى قاراي جالعاسادى.

— ءبىزدىڭ وڭىرگە 3 Starlink قوندىرعىسى اكەلىندى. ونىڭ ەكەۋى قوندىرىلدى. ءبىرى بايعانين اۋدانىنىڭ ميالى اۋدانىندا، ەكىنشىسى ويىل اۋدانىنىڭ ورتالىعىندا. نەگىزى ءبىز 46 Starlink ينتەرنەتىن قوندىرامىز. العاشىندا سۋ تاسقىنى كەزىندە شتاب جۇمىسىن كۇشەيتۋ ءۇشىن اسا قاجەت دەگەن اۋداندار تاڭدالدى. اۋىلدى ينتەرنەتپەن قامتۋ جۇمىسى ءارى قاراي جالعاسادى، — دەدى اقتوبە وبلىستىق تسيفرلىق تەحنولوگيالار باسقارماسىنىڭ باسشىسى اسەت وتاربايەۆ.

Starlink ينتەرنەتى وتكەن اپتادان باستاپ قوندىرىلدى. وڭىرگە كەلگەن شەبەرلەر توتەنشە جاعداي كەزىندە شۇعىل شەشىم قابىلدانعانىن ايتتى.

— سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى Starlink ينتەرنەتىن قوندىرىپ جاتىر. ءبىز شالعاي جاتقان، توتەنشە جاعداي جاريالانعان اۋدان، اۋىلدارعا باردىق. ءبىر قۇرىلعىنى قوندىرۋعا 1-2 ساعات جەتكىلىكتى. جوعالى جىلدامدىقتى ينتەرنەت وتە ىڭعايلى. بۇل جولعىسىنىڭ قۋاتتىلىعى — 250-300 مبيت/سەك، — دەدى مەردىگەر مەكەمە وكىلى الەكساندر سەرگەيەۆ.