اقتوبەلىك كەلىنشەك ون ءبىرىنشى بالاسىن دۇنيەگە اكەلدى

استانا. KAZINFORM - اقتوبەدە 39 جاستاعى ايەل ون ءبىرىنشى بالاسىن امان-ەسەن بوساندى - ەندى ۇلكەن وتباسىندا جەتى ۇل مەن ءتورت قىز بار، - دەپ حابارلايدى Almaty.tv.

مناۋرا مۇقتاروۆا مەن ونىڭ ۇلى حانتورەنى پەرزەنتحانادان شىعاردى. وتباسىداعى ون ءبىرىنشى بالا 3,7 كەلى، 57 سانتيمەتر بولىپ دۇنيەگە كەلدى. بىلتىر كوپبالالى وتباسى رەتىندە مەملەكەتتەن باسپانا العان.

«مەن باقىتتى انامىن. ۇلكەن ۇلدارىم - سپورتشىلار. قىزىم ءبي ۇيىرمەسىنە قاتىسادى. بارلىعى ءۇشىن اللاعا شۇكىرشىلىك ەتەمىن. 2024-جىلدىڭ جەلتوقسانىندا كوپبالالى وتباسى رەتىندە 10 جىل كەزەكتە تۇرىپ، ءتورت بولمەلى پاتەر الدىق. پەرزەتحانادان شىققانىمىزدى جاڭا ۇيدە اتاپ وتەمىز! بارلىق تۋىستارىما، كورشىلەرىمە العىس ايتامىن!» - دەپ قۋانىشىمەن ءبولىستى اقتوبە تۇرعىنى.

مناۋرا مۇقتاروۆا - ماماندىعى بويىنشا قازاق ءتىلى مەن ادەبيەتى ءپانىنىڭ مۇعالىمى. الايدا قازىر مەكتەپتە جۇمىس ىستەۋگە مۇمكىندىگى جوق، سەبەبى بارلىق ۋاقىتىن بالا تاربيەسىنە ارنايدى. بالالاردىڭ اكەسى ايدىن رامازانوۆ پەرزەنتحانادان شىعارۋ راسىمىنە قاتىسا المادى. ول جۇك كولىگى جۇرگىزۋشىسى بولىپ جۇمىس ىستەيدى جانە قازىر ساپاردا ءجۇر.