اقتوبەلىك كاسىپكەرلەر الەم چەمپيونى ريزابەك ايتمۇحانعا ءبىر ءۇيىر جىلقى سىيلادى

ەركىن كۇرەستەن تاۋەلسىز قازاقستان تاريحىنداعى تۇڭعىش الەم چەمپيونى ريزابەك ايتمۇحانعا اقتوبەلىك كاسىپكەرلەر وڭىرگە ساپارى كەزىندە قۇرمەت كورسەتىپ، ءبىر ءۇيىر جىلقى سىيلادى، دەپ حابارلايدى Kazinform.

بۇل تۋرالى الەۋمەتتىك جەلىدەگى پاراقشاسىندا جاريالاندى.

«جىلقى قازاقتىڭ رۋحى ەكەنى بارشاعا ءمالىم… اتا-بابا سالتىن بەرىك ۇستاناتىن اقتوبە وبلىسىنىڭ جىلقىشىلار وداعى، مارات، رينات جانعوزيندار مەن وسى ءوڭىردىڭ بىرنەشە بەتكە ۇستار ازاماتتارى «تاقىمىڭنان تۇلپار كەتپەسىن» دەپ، ەركىن كۇرەستەن ەلىمىزدىڭ تۇڭعىش الەم چەمپيونى ريزابەك ايتمۇحانعا ءبىر ءۇيىر جىلقى اتادى. سونداي-اق ارنايى تاپسىرىسپەن ا ق ش-تان، قولدان جاساتىلعان ەر-توقىمدى تارتۋ ەتتى»، - دەلىنگەن حابارلامادا.

سونداي-اق الەم چەمپيونى اقتوبەگە بارعان كەزىندە وبلىس اكىمى مەن ءبىر قانشا لاۋازىمدى تۇلعالاردىڭ قابىلداۋىندا بولىپ، اق-تىلەك، باتاسىن العان.

ەستەرىڭىزگە سالا كەتەيىك، كۇرەس جاناشىرى مارات جانعوزين بۇعان دەيىن دە بەلگراد (سەربيا) تورىندە ەركىن كۇرەس بالۋاندارىنا اق داستارقان جايىپ، ازامات داۋلەتبەكوۆ پەن ريزابەك ايتمۇحانعا قوماقتى قارجى تابىستاعان بولاتىن.

اۆتور

كۇنسۇلتان وتارباي