اقتوبەلىك كاسىپكەر قۇم ۇستىنە قۇلپىناي وسىرە باستادى

құлпынай
Фото: Фото: Алтынай Сағындықова/Kazinform

 اقتوبە وبلىسى شالقار اۋدانى جىلتىر اۋىلىندا جاس كاسىپكەر قۇم ۇستىنە جىلىجاي سالىپ قويدى. بيىل قۇلپىناي ەگە باستادى، دەپ حابارلايدى Kazinform.

جىلتىر اۋىلىنىڭ تۇرعىنى كاسىپتى قۇم ۇستىندە باستاعاننىڭ ءوز قيىندىعى بار ەكەنىن ايتتى.

ءبىر عانا جىلىجاي ءۇشىن اۋەلى جەردى تەرەڭدىگى 50 س م ەتىپ قازدى. ءبىر ساتتە قۇم بورىپ، قايتا باسىپ قالعان.

كەيىن كولىكتىڭ ەمەس، ەكى قولدىڭ كۇشىنە سەنىپ، قايتا تازالادى. بۇگىندە 7 جاڭا جىلىجايى بار. ەكەۋى قىستىق، وزگەسى جازدىق.

— بيىل جازدىق جىلىجايعا قۇلپىنايىمىزدى ەگىپ قويدىق. كوكتەمدە ءونىم الامىز دەپ جوسپارلاپ وتىرمىز. بولاشاقتا قىسى- جازى وسىرگىمىز كەلەدى. ءبىز ەۋروپالىق ەليتالى سۇرپىن ەگىپ وتىرمىز. اۋا رايىنا قولايلىسى تاڭدالدى. جوسپار بويىنشا باسەكەلەستەردە ءونىم ازايعاندا ءبىز جەمىس الامىز. ساتۋ ايماعىمىز ءوزىمىزدىڭ شالقار اۋدانى، اۋىسسا اقتوبە قالاسىنا جىبەرەمىز. جىلىنا 4 توننا الماق ويىمىزدا بار. «اۋىل اماناتى» جوباسىنىڭ قارجىسى تۇگەل يگەرىلدى. الداعى ۋاقىتتا تاڭقۋراي دا ەگۋىمىز مۇمكىن، - دەدى كاسىپكەر سەرىكبولسىن جەكسەمباي.

قازىر باۋىرلارىمەن بىرگە ءوزى بار جۇمىستى اتقارىپ وتىر. الداعى ۋاقىتتا بىرنەشە اۋىلداسىن قولاستىنا الماق نيەتتە.

بۇعان دەيىن 1200 شارشى مەتر جەردى يگەرسە، جاڭا جىلىجايلارى 2500 شارشى مەتر اۋماقتى الىپ جاتىر.

— سوڭعى جىلدارى اۋىل شارۋاشىلىعىنا باسىمدىق بەرىلىپ كەلەدى. سول دۇرىس. قازاقستاندا اۋىل شارۋاشىلىعى دامۋدىڭ نەگىزگى درايۆەرى. ءبىزدىڭ جەرىمىز بار، سۋىمىز بار. ءبارىن يگەرۋمىز كەرەك. مەيلى ول ەگىن، مەيلى ول مال شارۋاشىلىعىنا باعىتتالسا دا. ءبىز ايىنا 400-500 مىڭ تگ تاۋىپ تۇرمىز. نەگىزى جىلىجاي دەگەنىمىز — لوتەرەيا. بارلىعى سۇراق. جوسپار بار، ءبىراق باعانى نارىق رەتتەيدى، — دەدى جاس كاسىپكەر.

құлпынай
Фото: Фото: Алтынай Сағындықова/Kazinform

قۇم اراسىندا وتىرىپ بيزنەس جوسپارىن ىسكە اسىرعان ول قيىندىقتى جەڭۋ ءۇشىن زەرتتەۋ، ساراپتاۋ ماڭىزدى دەپ وتىر.

— جەردى قوپسىتا سالۋ مۇمكىن ەمەس. بەلگىلى ءبىر بولىگىن قازىپ، شىعارىپ تاستاۋ كەرەك. ءبىز قازىپ، شالقاردان توپىراق اكەلدىك. ءوزىم اگرونوممىن. سونىمەن بىرگە قۇرىلىستى دا ءوزىمىز جۇرگىزدىك. ولاي بولماسقا امال جوق، ءار قادام اقشا. ءبىر جىلىجايدىڭ وزىنە 500 مىڭ سۇرايدى. اقشا تاراتا بەرسەم نەم قالادى، - دەدى ول.

بيىل 8-9 توننا قيار، 2 توننا قىزاناق الدى. كەلىسى ورتا ەسەپپەن 300 ت گ بولدى. قىستا 700 ت گ بولسا، جازدا 100 تگ بولادى.

كاسىپكەر «جۇمىسپەن قامتۋ» باعدارلاماسى اياسىندا 5 ميلليون تەڭگە الدى.

ال «اۋىل اماناتى» كەزىندە 18 ميلليون تەڭگەگە جىلىجاي شارۋاشىلىعىن كەڭەيتتى.

سوڭعى جاڭالىقتار