اقتوبەدەگى پرەزيدەنت رەزيدەنتسياسىنىڭ ءبىر بولىگى عانا بالالارعا بەرىلەدى

اقتوبەدەگى پرەزيدەنت رەزيدەنتسياسىن بالالار قاجەتىنە جاراتۋ تۋرالى تاپسىرما ءالى ورىندالماي تۇر.

резиденция
Фото: aktobetimes.kz

جەرگىلىكتى اكىمدىك تەك تورتتەن ءبىر بولىگىن، ءبىر عانا قوناق ءۇيدى الۋعا كەلىسىم جاساپ جاتىر، دەپ حابارلايدى قازاقپارات ءتىلشىسى.

بيىل اقپان ايىندا پرەزيدەنت بىرنەشە ايماقتاعى رەزيدەنتسيانى بالالارعا بەرۋ كەرەك دەپ ايتقانىمەن، بۇل تاپسىرما اقتوبە وبلىسىندا ءالى ناقتى شەشىمىن تاپقان جوق. قازىرگى كەزدە جەرگىلىكتى اكىمدىك شامامەن 1 گەكتاردان اساتىن اۋماقتىڭ تورتتەن ءبىر بولىگىن عانا الۋعا كەلىسىم جاساپ وتىر. وندا دا 500 شارشى مەتر بولاتىن ءقوناقۇيدىڭ تەك % 0 عانا تۇرۋعا جارامدى. قالعان بولىگى قىزمەتتىك بولمەلەر.

«مەنىڭ اقپاراتىم بويىنشا ءۇي 2008-جىلى سالىنعان. وندا كىم تۇرعانىن مەن ايتا المايمىن. قوناق ۇيدە قازىر ەشكىم تۇرمايدى. بۇگىنگى تاڭدا رەزيدەنتسيادا ورنالاسقان قوناق ءۇي مەملەكەتتىك مەكەمە بالانسىندا. جەرى - «قازحروم» ت ۇ ك» ا ق- ىنا تيەسىلى. قازىر جەردى ءبولۋ جۇمىسى ءجۇرىپ جاتىر. جالپى، ءۇيدىڭ اۋدانى - 500 شارشى مەتر. ەگەر بالالارعا بەرىلسە، 500 شارشى مەتردىڭ 40 پايىزى تۇرۋعا ارنالادى. وزگەسى اسحانا، جۋىناتىن بولمە، كىر جۋۋ ورنى. ءار بالاعا 6 شارشى مەتردەن تيەسىلى دەسەك، جالپى 25 بالا عانا تاربيەلەنەدى. جەردى بولسە، سول ۇيگە ارنايى بولەك كىرىپ-شىعۋ جولى قاراستىرىلادى. «قازحروم» ت ۇ ك» ا ق- نىڭ بالالارعا ارنالعان ويىن الاڭىن سالىپ بەرگەنىن قالايمىز. قازىر كەلىسسوز ءجۇرىپ جاتىر»، - دەدى اقتوبە وبلىسى اكىمىنىڭ ءىس باسقارماسى باسشىسىنىڭ ورىنباسارى تيمۋر رىسكەلدين.

مۇندا جەر ءبولۋ جۇمىستارى شەشىلگەن سوڭ بالالارعا ىڭعايلاپ جوندەۋ جۇرگىزىلۋى مۇمكىن.

«جەرگە قاتىستى سۇراققا ناقتى جاۋاپ بەرە المايمىز. تەك ءبارى زاڭدى تۇردە جۇرگىزىلەتىنىن ايتقىم كەلەدى. مەملەكەتتىك مەكەمەگە تيەسىلى كوتتەدجدىڭ اۋماعى عانا اكىمدىككە بەرىلەدى. قازىر ول جەرگە كىرە المايمىز. كومپانياعا تيەسىلى»، - دەدى تيمۋر رىسكەلدين.

ەسكە سالساق، بيىل قىستا اقتوبە وبلىسى اكىمدىگى رەزيدەنتسيا اۋماعى، ونداعى عيماراتتار تۋرالى اقپارات تاراتپادى. تەك بالالارعا ارنالعان نىسانعا اينالاتىنىن حابارلادى.

سوڭعى جاڭالىقتار