اقتوبەدە تاسقىن سۋدان زارداپ شەككەندەرگە ارناپ ەسەپ-شوت اشىلدى

тасқын
Фото: Мәжіліс

اقتوبە. KAZINFORM - اقتوبەدە «قامقور-اقتوبە 2024» قوعامدىق قور قۇرىلىپ، ەسەپ-شوتى اشىلدى. مۇندا تۇسكەن قارجى تاسقىن سۋدان زارداپ شەككەندەرگە جۇمسالادى.

اقتوبە وبلىسى بويىنشا قازىر 761 ءۇي بۇلىنگەن. ونىڭ 9 ى قيراپ قالدى. سونىمەن بىرگە وڭىردە 10 الەۋمەتتىك نىسانعا سۋ كىردى. كوبى قوبدا اۋدانىندا تىركەلىپ تۇر. سۋ تاسقىنى كەزىندە بۇلىنگەن ۇيلەردىڭ شىعىنىن ەسەپتەۋ ءۇشىن قازىر كوميسسيا جۇمىس ىستەپ جاتىر. دەگەنمەن كەيبىر ۇيلەردە قۇجات بولماۋى مۇمكىن. ولارعا كومەكتەسۋ قيىنعا سوعادى.

- وڭىردە سۋ تاسقىنىنان زارداپ شەككەن ادامدارعا كومەكتەسۋ ءۇشىن قور قۇرىلدى. وعان زاڭدى تۇلعالار، جەكە ادامدار دا قارجى اۋدارا الادى. مۇنىڭ جۇمىسىن زاڭگەرلەر، قوعامدىق كەڭەس وكىلدەرى، دەپۋتاتتار، قوعام بەلسەندىلەرى باقىلايدى. بۇل قورداعى اقشا قۇجاتتارى دۇرىس راسىمدەلمەگەن، مەملەكەتتەن كومەك بەرۋ كەزىندە زاڭ تۇرعىسىنان كەدەرگىگە تاپ بولعان ادامدارعا باعىتتالادى. قور تىكەلەي بارىپ، تەكسەرۋ جۇرگىزبەيدى. تەك باعالاۋ كوميسسياسىنىڭ قورىتىندىسىمەن قارجىلاي كومەك بەرىلەدى، - دەدى «قامقور-اقتوبە 2024» قورىنىڭ باسشىسى ابدۋحات مىرزالين. قوردىڭ بايلانىس ءنومىرى: 77132410040+.

سوڭعى جاڭالىقتار