اقتوبەدە تاعى ءبىر اۋىلدىڭ ادامدارى ەۆاكۋاتسيالاندى

اقتوبە. KAZINFORM - مۇعالجار اۋدانى جاعابۇلاق اۋىلىنان 74 ادام ەۆاكۋاتسيالاندى.

اقتوبە وبلىسى بويىنشا تۇندە جاڭبىر جاۋىپ، سۋ دەڭگەيى كوتەرىلدى. سالدارىنان مۇعالجار اۋدانى جاعابۇلاق اۋىلىندا جەم وزەنى كوتەرىلدى.

- سۋ دەڭگەيى كوتەرىلگەن سوڭ قاۋىپ تۋىندادى. بارلىعى 74 ادام، ونىڭ ىشىندە 30 بالا ەۆاكۋاتسيالاندى. ولاردى مۇناي كومپانياسىنىڭ ۆاحتالىق قالاشىعىنا ورنالاستىردى. مەديتسينالىق كومەك قاجەت بولمادى. اۋىلدا ەكى اۋلانى سۋ باستى، - دەپ حابارلادى اقتوبە وبلىسى اكىمىنىڭ باسپا ءسوز قىزمەتى.

ايتا كەتەيىك، اۋىلدا بارلىعى 1300 دەن استام ادام تۇرادى.

ەسكە سالساق، كەشە تۇندە شالقار اۋدانىنىڭ بۇيرەكتوبە اۋىلىنىڭ تۇرعىندارى ەۆاكۋاتسيالاندى.

اۆتور
التىناي ساعىندىقوۆا