اقتوبەدە ۇساق مالدان كۇل اۋرۋى تابىلدى

اقتوبە قالاسى سادوۆىي تۇرعىن الابىندا قويدان كۇل اۋرۋى انىقتالدى. ۆەتەرينار ماماندار كارانتين جاريالاۋ ءۇشىن جەرگىلىكتى اكىمدىككە حابار بەردى، دەپ حابارلايدى قازاقپارات ءتىلشىسى.

қой
Фото: Фото: ҚазАқпарат

اقتوبە وبلىستىق ۆەتەريناريا باسقارماسى باسشىسىنىڭ ورىنباسارى بەردىمۇرات بەكجانوۆتىڭ ايتۋىنشا، 25-قىركۇيەك كۇنى سادوۆىي تۇرعىن الابىنان 2 باس ۇساق مالدىڭ اۋىرعانى تۋرالى حابار تۇسكەن.

قالالىق ۆەتەريناريا ستانساسىنىڭ ماماندارى قويدى قاراپ شىقتى.

«تەكسەرۋ كەزىندە شىرىشتى قاباتتىڭ بارىندە بورىپتە انىقتالدى. سونىمەن بىرگە قىزۋى جوعارى بولعان. ۆەتەرينار ماماندار اۋرۋ مالدان بيوسىنامالاردى الىپ، دياگنوز قويۋ ءۇشىن وبلىستىق ۆەتەريناريالىق زەرتحاناعا جىبەردى. تەكسەرۋ كەزىندە بىردەن «قوي كۇلى» دياگنوزى قويىلعان. ارادا 4 كۇن وتكەندە تالداۋ سىناماسىنىڭ ناجيجەسى شىقتى. «قوي كۇلى» دياگنوزى راستالدى»، - دەدى اقتوبە وبلىستىق ۆەتەريناريا باسقارماسى باسشىسىنىڭ ورىنباسارى بەردىمۇرات بەكجانوۆ.

قازىرگى كەزدە قويدان جۇقپالى دەرت انىقتالعانى تۋرالى حابارلاما اقتوبە قالاسى الماتى اۋدانىنىڭ اكىمدىگىنە بەرىلدى.

ۆەتەرينارلار سادوۆىي تۇرعىن الابىندا كارانتين بەلگىلەۋ تۋرالى شەشىمىن كۇتىپ وتىر.

شەشىم شىققان سوڭ «ەپيزووتياعا قارسى وترياد» ر م ك ءماجبۇرلى ۆاكسيناتسيا، دەزينفەكتسيا جۇمىستارىن جۇرگىزەدى.

ال كارانتين 20 كۇنگە سوزىلادى.

سوڭعى جاڭالىقتار