اقتوبەدە مەكتەپ ەسەپشىسى 238 ميلليون تەڭگە جىمقىرعان

اقتوبە. KAZINFORM - اقتوبەدە مەكتەپ ەسەپشىسى 238 ميلليون تەڭگە بيۋدجەت قاراجاتىن جىمقىرعان، دەپ حابارلايدى باس پروكۋراتۋرا.

اقتوبە وبلىسى پروكۋراتۋراسىنىڭ ارنايى پروكۋرورلارىمەن №48- جالپى ءبىلىم بەرەتىن مەكتەپ ەسەپشىسىنىڭ بيۋدجەت قاراجاتىن زاڭسىز يەمدەنۋ دەرەگىنە قاتىستى سوتقا دەيىنگى تەرگەپ-تەكسەرۋدى اياقتادى.

ەسەپشى گ. -نىڭ 2019-2024 -جىلدار ارالىعىندا قىزمەت بابىن پايدالانا وتىرىپ، مەكتەپ قاجەتتىلىكتەرىنە بولىنگەن 230 ميلليون تەڭگەدەن استام بيۋدجەت قاراجاتىن يەمدەنگەنىن انىقتادى.

يەمدەنىپ الۋ سحەمالارى جالاقىنى بەلگىلەنگەن نورمادان تىس اۋدارۋ، قوس دەمالىس بەرۋ ارقىلى جۇزەگە اسىرىلعان.

ەسەپشى گ. -نىڭ ءىس-ارەكەتى ق ك-نىڭ 189-بابىنىڭ 4-بولىگىنىڭ 2-تارماعىمەن (اسا ءىرى مولشەردە سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان-تاراجعا سالۋ) سارالاندى. ارنايى پروكۋرورلارمەن قىلمىستىق ءىس ءمانى بويىنشا قاراۋ ءۇشىن، اقتوبە قالاسىنىڭ №2-سوتىنا جولداندى.

سوت شەشىمىمەن ەسەپشى گ. كىنالى دەپ تانىلىپ، 6 جىلعا سوتتالدى.