اقتوبەدە ءبىر كۇندە بەس كوپ قاباتتى تۇرعىن ءۇيدىڭ شاتىرى ۇشىپ كەتتى

اقتوبە. KAZINFORM - اقتوبە قالاسىندا كوپ قاباتتى 5 تۇرعىن ءۇيدىڭ شاتىرى ۇشىپ كەتتى. بۇل تۋرالى تىكەلەي ەفيردە قالا اكىمى ازامات بەكەت ايتتى.

اقتوبە قالاسى بويىنشا ءبىر تاۋلىكتە 5 كوپ پاتەرلى تۇرعىن ءۇيدىڭ شاتىرى ۇشىپ كەتكەنى بەلگىلى بولدى. ولاردىڭ ءبىر بولىگى اۋە قالاشىعى، ساياجاي، قارعالى تۇرعىن الاپتارىندا ورنالاسقان ۇيلەر. الداعى ۋاقىتتا قۇرىلىس جۇمىسىن جۇرگىزگەن ەكى كومپانيا قالپىنا كەلتىرىپ بەردى. ال تاعى ءبىر ءۇيدى تۇرعىنداردىڭ ءوزى جوندەۋى ءتيىس. جەرگىلىكتى اتقارۋشى ورگان تەك تەحنيكا بولەمىز دەپ ۋادە بەردى.

«ءبىز قازىر بارلىق كوممۋنالدىق قىزمەتتى كۇشەيتىلگەن رەجيمگە كوشىردىك. قازىر قار تازالاۋ، قوعامدىق كولىك جۇمىسى نازاردان تىس قالىپ جاتقان جوق. بىرنەشە باعىت بويىنشا قوعامدىق كولىك قاتىنامادى. پوليتسيا رۇقسات بەرگەن سوڭ، اۋا رايى قالپىنا كەلگەندە قاتىناس قايتا قالپىنا كەلەدى. قار تازالاۋ جۇمىسىنا كەلەر بولساق، ەلدىمەكەندە بوران سالدارىنان جۇمىس توقتاعان بولاتىن. الايدا تۇرعىن الاپتارىنىڭ نەگىزگى، قالانىڭ ورتالىق جولدارى جانە دە قالانىڭ جولدارىندا جۇمىس جالعاسا بەردى. تۇرعىن الاپتارىندا مەردىگەر مەكەمە تەحنيكاسى تۇر. ولار جۇمىستى اتقارادى»، - دەدى اقتوبە قالاسىنىڭ اكىمى ازامات بەكەت.

 

اۆتور
التىناي ساعىندىقوۆا