اقتوبەدە بيىل ءۇش ءداۋىردىڭ ەسكەرتكىشى زەرتتەلەدى

қазба жұмыстары
Фото: Pexels

  اقتوبە. KAZINFORM - اقتوبە وبلىسىندا بيىل ەرتە تەمىر، قولا جانە تاس ءداۋىرى جانە عۇن ءداۋىرىنىڭ ەسكەرتكىشتەرى زەرتتەلەدى.

اقتوبە وبلىستىق تاريحي- ولكەتانۋ مۋزەيى بيىل ءۇش ءىرى جوبانى ىسكە اسىرۋدى جوسپارلاپ وتىر. ولار: ەرتە تەمىر ءداۋىرى، قولا جانە تاس ءداۋىرى جانە عۇن ءداۋىرى.

- ەرتە تەمىر ءداۋىرى مۇعالجار اۋدانى اۋماعىنداعى ورقاش قورىمىندا زەرتتەلەدى. قولا ءداۋىرى قارعالى اۋدانىنىڭ تارانعۇل قونىسى مەن قورىمىندا زەرتتەلسە، عۇن داۋىرىنە ءتان ەسكەرتكىشتەر قوبدا جانە ايتەكە بي اۋدانى اۋماعىندا ورنالاسقان، - دەدى اقتوبە وبلىستىق تاريحي- ولكەتانۋ مۋزەيىنىڭ ديرەكتورى مەيرام دۇيسەنعالي.

ونىڭ ايتۋىنشا، سۋ تاسقىنىنا بايلانىستى قارجى ۇنەمدەلىپ، كوپ جوبا قىسقارتىلعان. دەگەنمەن كوكتەمگى سۋ تاريحي قورىمدارعا زاقىم كەلتىرمەگەن.

- كوكتەمگى سۋ تاسقىنى كەزىندە قانداي دا ءبىر تاريحي ورىننىڭ بۇلىنگەنى تۋرالى اقپارات تۇسپەدى. كوشپەندىلەردىڭ ءبىر ەرەكشەلىگى، قورىمدى بيىك جەرگە قويعان. قازىر ءبىزدىڭ زەرتتەيتىنىمىز دە وسى قورىمدار. قونىستار مەن ەلدىمەكەن ءبىزدىڭ ايماقتا از. ولار وزەن جاعاسىندا ورنالاسادى نەگىزى. كونە قونىس بولسا، قولا داۋىرىنە جاتاتىنى جەراستىندا بولادى. قاتتى تولقىن بولماسا اشىلمايدى كوبىنە. ازىرگە ونداي اقپارات جوق،- دەدى مەيرام دۇيسەنعالي.

سوڭعى جاڭالىقتار