اقتوبەدە بەلگىسىز بىرەۋ قىزدى كەپىلگە الدى

اقتوبە. KAZINFORM - اقتوبە قالاسىنداعى ماسكەۋ اۋدانىندا بەلگىسىز بىرەۋ قىزدى كەپىلگە الدى. قازىر كەلىسسوز ءجۇرىپ جاتىر.

захват заложников в Актобе
Фото: aqtobe_sergek

اقتوبە وبلىستىق پ د باسپا ءسوز قىزمەتىنىڭ حابارلاۋىنشا، 102 گە قوڭىراۋ تۇسكەن. وندا قىزدى كەپىلگە العانى تۋرالى حابارلاما بولدى.

- جەر ۇيلەردىڭ بىرىنە بەلگىسىز ادام كىرىپ كەتكەن. ول قىزدى كەپىلگە العان. وقيعا ورنىنا شۇعىل قىزمەتتىڭ ءبارى جەتتى، اۋماق قورشاۋعا الىندى. وبلىستىق پوليتسيا دەپارتامەنتىنىڭ باستىعى، قالا پروكۋرورى وقيعا ورنىندا ءجۇر. قازىر كەلىسسوز ءجۇرىپ جاتىر، - دەپ حابارلادى وبلىستىق پ د باسپا ءسوز قىزمەتى.

الەۋمەتتىك جەلى ارقىلى تاراعان ۆيدەودان جەدەل جاردەمنىڭ، ءورت سوندىرۋشىلەر مەن پوليتسيانىڭ بىرنەشە بريگاداسىن كورۋگە بولادى.

 

سوڭعى جاڭالىقتار