اقتوبەدە بالالاردىڭ بەتىنە بۇرىشتى گاز شاشقان جاس ءوسپىرىم ەكى ايعا قاماۋعا الىندى

اقتوبە. KAZINFORM - اقتوبە وبلىستىق مامانداندىرىلعان تەرگەۋ سوتى بالالاردىڭ بەتىنە بۇرىشتى گاز شاشىپ، قوعام ىشىندە رەزونانس تۋدىرعان جاس ءوسپىرىمدى ەكى ايعا قاماۋعا الدى. ول سوت بولعانشا تەرگەۋ يزولياتورىندا وتىرادى.

اقتوبە قالاسىنداعى كوپىرلەردىڭ بىرىندە ويناپ جۇرگەن بالالاردىڭ بەتىنە بۇرىشتى گاز شاشىپ، كەيىن بەلگىسىز باعىتقا قاشىپ كەتكەن جاسء وسپىرىم ۇستالدى. ونى قۇقىق قورعاۋ ورگاندارى شەكارادا قۇرىقتاپ، كەيىن اقتوبە قالاسىنداعى پوليتسيا بولىمىنە جەتكىزدى. مۇندا ول بىردەن ۋاقىتشا تەرگەۋ يزولياتورىنا قاماۋعا الىندى. ەندى ول تەرگەۋ اياقتالىپ، سوت بولعانشا تەرگەۋ يزولياتورىندا وتىرادى.

«اقتوبە وبلىستىق مامانداندىرىلعان تەرگەۋ سوتىنا «ا» - عا قاتىستى قىلمىستىق كودەكستىڭ «توناۋ»، «بۇزاقىلىق» باپتارى بويىنشا سانكسيالاۋ تۋرالى ءوتىنىش حات ءتۇستى. قىلمىستىق ءىس ماتەريالىنا سۇيەنسەك، جاس ءوسپىرىم ىشىمدىك ىشكەن كۇيى كامەلەتكە تولماعان «ك» - ءنىڭ اياق كيىمىن الىپ كەتكەن. وعان كەلتىرىلگەن شىعىن كولەمى - 16 مىڭ تەڭگە. كەيىن «ا» بۇزاقىلىق جاساپ، قولىنداعى بۇرىشتى گاز باللونىن «ۆ» ەسىمدى بالانىڭ بەتىنە شاشادى. ءوتىنىش حاتتا «ا» - نىڭ وزگە ەل ازاماتى، قازاقستاندا تۇرعىلىقتى جەرى جوق ەكەنىن ايتىلىپ، جازادان قۇتىلىپ كەتۋ مۇمكىندىگى ەسكەرىلدى. تەرگەۋ سوتى ونىڭ بالالارعا قارسى اسا اۋىر قىلمىس جاساعانىن، كەيىن قاشىپ كەتۋگە وقتالعانىن نەگىزگە الدى. ول باتىس قازاقستان وبلىسىنىڭ تەرريتورياسىندا قولعا ءتۇستى. ەگەر ول بوستاندىقتا قالسا، قىلمىستىق جاۋاپكەرشىلىكتەن قۇرتىلىپ كەتۋى مۇمكىن. سوندىقتان تەرگەۋ سوتى «ا» - نى ەكى اي مەرزىمگە ۋاقىتشا قاماۋعا شەشىم شىعاردى»، - دەپ حابارلادى اقتوبە وبلىستىق مامانداندىرىلعان تەرگەۋ سوتىنىڭ باسپا ءسوز قىزمەتى.

ايتا كەتەيىك، ۇستالعان «ا» 16 جاستا. ول رەسەيدەن اقتوبەگە اكەسىنە كەلگەن بولىپ شىقتى.