اقتوبەدە بالالارعا بۇرىشتى گاز شاشقان رەسەيلىك جاس ءوسپىرىم قامالدى

Ақтөбеде балалардың бетінен бұрышты газ шашқан жасөспірім шекарада ұсталды
فوتو: اقتوبە وبلىستىق پ د باسپا ءسوز قىزمەتى

اقتوبە. KAZINFORM - اقتوبەدە بالالارعا گاز شاشىپ، بەلگىسىز باعىتقا كەتىپ قالعان جاس ءوسپىرىم شەكارادا ۇستالىپ، تەرگەۋ يزولياتورىنا قامالدى.

اقتوبە وبلىستىق پوليتسيا دەپارتامەنتى بالالارعا بۇرىشتى گاز شاشقان جاس ءوسپىرىمدى قاماۋعا الۋ ءساتىن كورسەتتى. ۆيدەودان جاس ءوسپىرىمنىڭ №5-كامەراعا قامالعانىن كورۋگە بولادى.

- بالالارعا گاز قۇتىسىن قولدانۋ فاكتىسى بويىنشا ۇستالعان كامەلەتكە تولماعان كۇدىكتى ۋاقىتشا ۇستاۋ يزولياتورىنا قامالدى، - دەپ حابارلادى اقتوبە وبلىستىق پوليتسيا دەپارتامەنتىنىڭ باسپا ءسوز قىزمەتى.

ايتا كەتەيىك، اقتوبە قالاسىنداعى 11-شاعىن اۋدانىندا ورنالاسقان كوپىر ۇستىندە ەكى بالا ويناپ جۇرگەن. وعان جاقىن كەلگەن بەيتانىس جاس ءوسپىرىم بۇرىشتى گاز قولدانىپ، بالالار ايقايلاپ قاشا جونەلەدى. جاس ءوسپىرىم بۇل ءساتتى ۆيدەوعا ءتۇسىرىپ، كەيىن ول الەۋمەتتىك جەلى ارقىلى كەڭ تاراپ كەتتى.

بۇزاقىلىق جاساعان جاس ءوسپىرىم قازاقستان مەن رەسەي شەكاراسىندا ۇستالىپ، اقتوبە قالاسىنداعى پوليتسيا بولىمشەسىنە جەتكىزىلدى.

ول اقتوبەگە كورشى رەسەي ەلىنەن كەلگەن.

اۆتور
التىناي ساعىندىقوۆا

سوڭعى جاڭالىقتار