07:25, 18 - ءساۋىر 2024 | GMT +6
اقتوبەدە ادامداردىڭ ۇستىنە ايالدامانىڭ اينەك بولشەگى قۇلاپ ءتۇستى
اقتوبە. KAZINFORM - اقتوبە قالاسىندا ايالدامادا اۆتوبۋس كۇتىپ تۇرعان ءۇش ادام اۋرۋحاناعا ءتۇستى. ولاردىڭ ۇستىنە اينەكتىڭ ءبىر بولشەگى ءتۇسىپ كەتتى.
وقيعا اقتوبە قالاسى ءاليا مولداعۇلوۆا داڭعىلى بويىنداعى «التىن كۆارتال» ايالداماسىندا بولدى. اينەكتەن جاسالعان ايالداما پاۆيلونىنا جارناما ءىلىپ جاتقان كەزدە شىنى شىتىناپ كەتتى.
- ايالدامانىڭ اينەك بولشەگى ادامداردىڭ ۇستىنە قۇلاعان. ءۇش ايەل اۋرۋحاناعا جەتكىزىلدى. جۇمىسىنا سالعىرت قاراپ، ساپاسىز قىزمەت كورسەتۋ، قاۋىپسىزدىكتى ەسكەرمەۋ دەرەگى بويىنشا تەرگەۋ باستالدى، - دەپ حابارلادى اقتوبە وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
اۆتور
التىناي ساعىندىقوۆا
