اقتوبەدە ادامداردى الداعان ەمشى تەرگەۋ اياقتالعانشا قاماۋدا وتىرادى

اقتوبە. KAZINFORM - اقتوبە قالاسىندا ەمشىگە قاتىستى قىلمىستىق كودەكستىڭ «الاياقتىق» بابىمەن ءىس قوزعالىپ، تەرگەۋ ءجۇرىپ جاتىر. سوت 2 اي قاماۋدا ۇستاۋ تۋرالى سانكتسيا بەردى.

اا
Фото: Pexels

اقتوبەدە «الاياقتىق» بابىنىڭ اسا ءىرى كولەمدە شىعىن كەلتىرۋ بولىگىمەن ءىس قوزعالىپ، تەرگەۋ ءجۇرىپ جاتىر. وبلىستىق سوتتىڭ باسپا ءسوز قىزمەتىنىڭ حابارلاۋىنشا، تەرگەۋ سوتى كۇدىكتىنى 2 ايعا قاماۋعا سانكتسيا بەردى.

- اقتوبە وبلىسىنىڭ پوليتسيا دەپارتامەنتى اسا ءىرى كولەمدە الاياقتىق جاساۋ دەرەگى بويىنشا قىلمىستىق ءىستى تەرگەپ جاتىر. ءىس بويىنشا بۇگىنگى كۇنى وتىزعا جۋىق جابىرلەنۋشى بار. سوتقا دەيىنگى تەرگەپ- تەكسەرۋ بارىسىندا اقتوبە قالاسىندا ءداستۇرلى ەمەس مەديتسينامەن اينالىسقان ايەل ەمدەلۋگە كەلۋشىلەرىن الداپ، ولارعا نەسيە راسىمدەتكەن، - دەپ حابارلادى وبلىستىق پ د باسپا ءسوز قىزمەتى.

ەسكە سالساق، ادامدار 1 ميلليون تەڭگەدەن 18 ميلليون تەڭگەگە دەيىن نەسيە راسىمدەپ، ونى ەمشىگە بەرگەن. ازىرگە شىعىن 100 ميلليون تەڭگە دەپ ەسەپتەلدى.

سوڭعى جاڭالىقتار