08:56, 24 - قاراشا 2024 | GMT +5
اقتوبە وبلىسىندا تاعى ءبىر سارباز سۋيتسيد جاسادى
استانا. KAZINFORM - اقتوبە وبلىسىنداعى اسكەري بولىمدە سارباز كوز جۇمدى. بۇل تۋرالى اقپاراتتى اقتوبە گارنيزونىنىڭ باسپا ءسوز قىزمەتى راستادى.
«اعىمداعى جىلدىڭ 23-قاراشاسىندا اقتوبە گارنيزونى اسكەري بولىمدەردىڭ بىرىندە قاراۋىل قىزمەتىندەگى مەرزىمدى قىزمەتتىڭ اسكەري قىزمەتشىسى وزىنە قارۋ جۇمساپ، كوز جۇمدى»، - دەلىنگەن حابارلامادا.
وقيعانىڭ ءمان-جايى انىقتالىپ جاتىر.
مۇنداي وقيعالار جيىلەپ كەتتى. ەسكە سالساق، جۋىردا عانا ش ق و- دا مەرزىمدى قىزمەتتەگى اسكەري قىزمەتشى قازا بولدى. 7-قاراشادا شەكارا قىزمەتى شىعىس قازاقستان وبلىسى بويىنشا دەپارتامەنتىنىڭ مەرزىمدى قىزمەتتەگى اسكەري قىزمەتشىسى قازا تاپتى. الدىن الا مالىمەت بويىنشا ءولىم سەبەبى - سۋيتسيد.
