اقتوبە تۇرعىنى ءىنىسىنىڭ اليمەنت بەرەشەگىن وتەۋ ءۇشىن پاتەرىن بەرگەن

اقتوبە. KAZINFORM - اقتوبەلىك تۇرعىن ءىنىسىنىڭ اليمەنت بەرەشەگىن وتەۋ ءۇشىن پاتەرىن بەردى. قارىز سوماسى - 3,8 ميلليون تەڭگە.

جەكە سوت ورىنداۋشىسى نۇرلان زينەعاليەۆتىڭ وندىرىسىندەگى ءىس 2019 -جىلدان بەرى سوزىلىپ كەلگەن. بۇگىنگە دەيىن قارىز سوماسى 3,8 ميلليون تەڭگەگە جەتكەن. بۇگىندە ونىڭ بالا الدىنداعى قارىزىن اپاسى وتەدى. ءسويتىپ 1 بولمەلى پاتەردى باۋىرىنا بەردى.

«بورىشكەر 2019 -جىلدان بەرى جۇمىس ىستەمەي، اقشا اۋدارماي كەلدى. ءتىپتى اكىمشىلىك جاۋاپقا تارتىلىپ، ەكى كۇن قاماقتا وتىردى. سونىمەن بىرگە قىلمىستىق ءىس قوزعاۋ ءۇشىن وبلىستىق پوليتسيا دەپارتامەنتىنە ۇسىنىس جىبەرىلدى. سول كەزدە اپاسى كورىپ، كومەكتەستى، پاتەرىن بەردى. ەكى ارادا نوتاريۋس ارقىلى كەلىسىم جاسالدى. دەگەنمەن بالاسى ءالى 18 گە تولمادى. سول سەبەپتى الداعى ۋاقىتتا ول اي سايىن 30 مىڭ تەڭگە تولەپ وتىرۋى ءتيىس»، - دەدى جەكە سوت ورىنداۋشى الماس كۋلشانوۆ.

ايتا كەتەيىك، ءبىر سوت ورىنداۋشىدا ورتا ەسەپپەن 700-800 ءىس بار. جالپى اقتوبە وبلىسى بويىنشا 10 مىڭنان استام اليمەنت ءوندىرۋ تۋرالى اتقارۋ قۇجاتى تىركەلگەن.

«ءارتۇرلى جاعداي كەزدەسەدى. كەيدە اكەسى كولىگىن ساتىپ، بەرەشەگىن وتەيدى. ال مىناداي وقيعا وتە سيرەك بولىپ تۇرادى. قازىرگى كەزدە جۇمىس ىستەيمەيتىن ادامداردىڭ بەرەشەگى ورتاشا ايلىقپەن ەسەپتەلەدى. ونى تولەي الماعاندار ءبىرىنشى اكىمشىلىك، ءۇش ايدان كەيىن قىلمىستىق جاۋاپقا تارتىلادى. بيىل جىل باسىندا ءبىر اقتوبەلىك 1 -جىلعا باس بوستاندىعىنان شەكتەۋ جازاسىنا كەسىلدى»، - دەدى الماس كۋلشانوۆ.

 

اۆتور
التىناي ساعىندىقوۆا