اقتاۋداعى ساۋدا ۇيلەرىنىڭ بىرىندە جەتى جاستاعى قىزدىڭ ساۋساعىن ەسكالاتور كەسىپ كەتتى
اقتاۋ. KAZINFORM - اقتاۋدا ساۋدا ۇيلەرىنىڭ بىرىندە جەتى جاستاعى قىز بالا ەسكالاتورعا مىنەر كەزدە قولىنان جاراقات الدى.
وقىس وقيعا كوكتەمنىڭ العاشقى كۇنىندە اقتاۋدا بولعان. كەيىن جاراقات العان قىز بالا دارىگەردىڭ كومەگىنە جۇگىنۋگە ءماجبۇر بولدى.
بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسىنان مالىمدەدى.
«وبلىستىق كوپبەيىندى بالالار اۋرۋحاناسىنا ساۋساعىن كەسىپ العان 7 جاستاعى قىز بالا جەتكىزىلدى. دارىگەرلەر ساۋساعىن امان الىپ قالۋ ءۇشىن قولدان كەلگەن مۇمكىندىكتىڭ بارلىعىن جاسادى. وعان ءتيىستى مەديتسينالىق كومەكتىڭ بارلىعى كورسەتىلدى. قازىر ناۋقاس رەابيليتاتسيونارلىق ەم-دوم قابىلداپ جاتىر. ال ساۋساعىنىڭ تۇتاستىعىنا قاتىستى الدىن الا بولجام جاساۋعا ەرتە»، - دەدى ماڭعىستاۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
اۆتور
جانكەلدى قارجان
