اقتاۋداعى ۇشاق اپاتىنان قازا تاپقان قازاقستاندىقتاردىڭ وتباسىلارىنا تاعى كومەك كورسەتىلەدى
استانا. KAZINFORM - پرەمەر- ءمينيستردىڭ ورىنباسارى قانات بوزىمبايەۆ اقتاۋ تۇبىندەگى ۇشاق اپاتىنان قايتىس بولعان قازاقستاندىقتاردىڭ وتباسىنا دەمەۋشىلەر تاعى الەۋمەتتىك كومەك كورسەتەتىنىن ايتتى.

- بىرىنشىدەن الەۋمەتتىك كومەك كورسەتىلدى. ءاربىر وتباسىعا ءتيىستى سوماسى تولەندى. جەرلەۋ ءراسىمى، باسقا دا ماسەلەلەر بويىنشا ءبىزدىڭ ارىپتەستەرىمىز، اكىمدەر وزدەرىنە جۇكتەلگەن مىندەتتەردى اتقاردى. دەمەۋشىلەردىڭ ارقاسىندا كەلەسى اپتادا تاعى ءبىر كومەك كورسەتەمىز دەپ ويلايمىن. ول وتباسىلارعا ءتيىستى كومەك كورسەتىلەدى. ازىرگە ناقتى قانداي، قانشا مولشەردەگى كومەك ەكەنىن ايتا المايمىن. ناقتى بەلگىلى بولعاندا رەسمي مالىمەتىن بەرەمىز، - دەدى قانات بوزىمبايەۆ.
سونداي- اق ول قازاق تاپقانداردىڭ وتباسىنا وتباسىنا 5 ميلليون تەڭگەدەن الەۋمەتتىك كومەك تولەنگەنىن ايتتى.
ەسكە سالساق، 2024 -جىلدىڭ اياعىندا اقتاۋ تۇبىندەگى ۇشاق اپاتىنان التى وتانداسىمىز مەرت بولعان ەدى.
قازا تاپقان 6 قازاقستان ازاماتىنىڭ تورتەۋى ماڭعىستاۋ وبلىسىنىڭ تۇرعىنى. ودان بولەك، ءبىر ازامات قوستاناي وبلىسىنان جانە بىرەۋى استانا قالاسىنىڭ تۇرعىنى.