اقتاۋداعى ۇشاق اپاتىنا بايلانىستى ازەربايجان رەسپۋبليكاسىنان ارنايى دەلەگاتسيا كەلدى

استانا. قازاقپارات – 25-جەلتوقسان كۇنى اقتاۋ ماڭىندا بولعان ۇشاق اپاتىنا بايلانىستى ماڭعىستاۋ وبلىسىنا ازەربايجان رەسپۋبليكاسىنان ارنايى قۇرىلعان كوميسسيا كەلدى. بۇل تۋرالى وبلىس اكىمدىگى ءمالىم ەتتى.

دەلەگاتسيانى ازەربايجاننىڭ توتەنشە جاعدايلار ءمينيسترى باستاپ كەلدى.

ماڭعىستاۋ وبلىسىنىڭ اكىمى نۇرداۋدەت قيلىباي مەن ازەربايجان ۇكىمەتىنىڭ وكىلدەرى قۇتقارۋ وپەراتسياسى اياسىندا جاسالاتىن ءتيىستى شارالاردى پىسىقتادى. وبلىس اكىمى نۇرداۋلەت قيلىباي زارداپ شەككەن ازاماتتارعا قاجەتتى كومەكتەردىڭ كورسەتىلىپ جاتقانىن ايتتى.

ايتا كەتەيىك، اقتاۋدا Azerbaijan Airlines ۇشاعى اپاتقا ۇشىرادى.

وقيعا ورنىنا ق ر توتەنشە جاعدايلار مينيسترلىگى جەكە قۇرامىنىڭ 52 ادامى مەن 11 بىرلىك تەحنيكاسى باردى.

اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.

ق ر كولىك مينيسترلىگى ءمالىم ەتكەندەي، ازەربايجان تاراپىنىڭ الدىن الا اقپاراتى بويىنشا، بورتتا 62 جولاۋشى مەن 5 ەكيپاج مۇشەسى بولعان.

ق ر پرەزيدەنتىنىڭ تاپسىرماسىمەن مەملەكەتتىك كوميسسيا قۇرىلدى.