اقتاۋداعى ۇشاق اپاتىن تەرگەۋمەن 4 ەل اينالىسادى

استانا. KAZINFORM — اقتاۋ قالاسىنىڭ ماڭىندا اپاتقا ۇشىراعان Embraer 190 ۇشاعىنا قاتىستى قىلمىستىق ءىستى تەرگەۋ جالعاسىپ جاتىر. بۇل تۋرالى ازەربايجان باس پروكۋراتۋراسى مالىمدەدى، - دەپ حابارلايدى Minval.

ازەربايجان پرەزيدەنتى يلحام اليەۆتىڭ تاپسىرماسىمەن ازەربايجاننىڭ باس پروكۋرورى وقيعا بولعان كۇننەن باستاپ قازاقستاننىڭ باس پروكۋرورى بەرىك اسىلوۆپەن، رەسەيدىڭ باس پروكۋرورى يگور كراسنوۆپەن، تەرگەۋ كوميتەتىنىڭ ءتوراعاسى الەكساندر باسترىكينمەن، سونداي-اق برازيليانىڭ باس پروكۋرورى پاۋلو گونەتپەن بايلانىستا ەكەنى ايتىلدى.

«بولعان وقيعانى تولىق، جان-جاقتى تەرگەۋ ماقساتىندا ازەربايجان، قازاقستان، رەسەي جانە برازيليالىق كاسىبي تەرگەۋشىلەر، ماماندار تەرگەۋ جۇرگىزدى»، - دەپ جازىلعان حابارلامادا.