اقتاۋدا تەڭىز جاعاسىنداعى جارتاستىڭ ءبىر بولىگى وپىرىلىپ ءتۇستى

ақтау
Фото: Жанкелді Қаржан

  اقتاۋ. KAZINFORM -اقتاۋدا كاسپي تەڭىزى جاعالاۋىنداعى جاياۋ جۇرگىنشىلەرگە ارنالعان سوقپاق جولدىڭ بويىنداعى جارتاستىڭ جوعارى بولىگى قۇلادى. وقىستان بولعان وقيعاعادان ەشكىم زارداپ شەكپەگەن.

الەۋمەتتىك جەلىدە اتالعان جاعدايدىڭ ۆيدەوسى تارادى.

وندا جارتاستىڭ جوعارى بولىگىنىڭ ەداۋىر بولىگى وپىرىلىپ، جولعا قۇلاعانى انىق كورىنەدى.

بۇعان قاتىستى اقتاۋ قالالىق تۇرعىن ءۇي- كوممۋنالدىق شارۋاشىلىق ءبولىمىنىڭ باسشىلىعى پىكىر ءبىلدىرىپ، جاعدايدىڭ قانشالىقتى قاۋىپتى ەكەنىن ايتتى.

«2023-جىلدىڭ جەلتوقسان ايىندا جارتاس ەتەگىندەگى سوقپاق جولدار بويىنشا كونكۋرس جاريالانعان ەدى. ءبىراق ىشكى مەملەكەتتىك اۋديت تاراپىنان قارسىلىق بولعان سوڭ اتالعان كونكۋرس ۋاقىتشا توقتاتىلدى. جوسپار بويىنشا الداعى ايدا اشىق كونكۋرس جاريالانادى دەپ كۇتىلىپ وتىر. اقتاۋدى اباتتاندىرۋمەن اينالىساتىن مەردىگەر كومپانيا جارتاستاعى سوقپاق جولداردى كۇتىپ-باپتاۋعا جاۋاپتى بولماق. سونىمەن بىرگە، مەردىگەرلەر جارتاستاعى جاياۋ جۇرگىنشىلەر جولىن جارىقتاندىرۋعا مىندەتتەلەدى. وقىس وقيعا بولعان جەر قورشاۋعا الىنىپ، ادامداردىڭ وتۋىنە شەكتەۋ قويىلدى. سونداي- اق، قاۋىپتى جارتاستى اينالىپ وتەتىن جول بار. الدا كونكۋرس اياقتالعان سوڭ جاۋاپتى مەردىگەر قاۋىپتى جارتاس اۋماقتارىن قورشايدى»،- دەدى اقتاۋ قالالىق ت ۇ ك ش ءبولىم باسشىسىنىڭ ورىنباسارى باقتيار ماقسات.

жағалау
Фото: Жанкелді Қаржан

اقتاۋ قالاسىندا تەڭىز جاعالاۋىنداعى جارتاس جولى 2017-2018 -جىلدارى سالىنعان.

 

وڭىردە مۇناي ءوندىرۋشى كومپانيالاردىڭ دەمەۋشىلىگىمەن ورناتىلعان اسپالى سوقپاق جولدار كەيىن تۇرعىندار سەرۋەندەيتىن ورىنعا اينالىپ ۇلگەردى.

سوقپاقتى جارتاس پايدالانۋعا بەرىلگەلى مۇنداي وقىس جاعدايلار بىرنەشە رەت بولعان.

وقيعا كەزىندە زارداپ شەككەندەر تىركەلگەن جوق.

ақтау
Фото: Жанкелді Қаржан

 

سوڭعى جاڭالىقتار