اقتاۋدا اپاتقا ۇشىراعان ۇشاق بورتىندا 69 ادام بولدى – ت ج م

استانا. KAZINFORM - ەلىمىزدىڭ توتەنشە جاعدايلار مينيسترلىگى اقتاۋ ماڭىندا بولعان اۋە اپاتىنا قاتىستى سوڭعى مالىمەتپەن ءبولىستى.

- الدىن الا اقپارات بويىنشا ۇشاق بورتىندا 69 ادام بولعان، ونىڭ 5 ەۋى - ەكيپاج مۇشەسى. ونىڭ ىشىندە 42 ءازىربايجان ازاماتى، 6 قازاقستان ازاماتى، 3 قىرعىزستان ازاماتى جانە 16 ر ف ازاماتى بولعان، - دەدى ت ج م توتەنشە جاعدايلاردى جويۋ دەپارتامەنتى اپات-قۇتقارۋ قىزمەتتەرىنىڭ كۇشتەرى مەن قۇرالدارى باسقارماسىنىڭ باستىعى قايرات جاناسپايەۆ.

ونىڭ ايتۋىنشا، قازىر وقيعا ورنىندا قۇتقارۋ جۇمىستارى جالعاسىپ جاتىر. قۇتقارۋ جۇمىستارىنا 701 جەكە قۇرام جانە 82 بىرلىك تەحنيكا جۇمىلدىرىلدى.

- 28 ادام اۋرۋحاناعا جەتكىزىلدى، ونىڭ 2 ەۋى بالا، - دەپ تولىقتىردى مينيسترلىك وكىلى.

بۇعان دەيىن حابارلاعانىمىزداي اقتاۋداعى ۇشاق اپاتىنا قاتىستى سوتقا دەيىنگى تەرگەۋ باستالدى.

ايتا كەتەيىك، ق ر پرەزيدەنتىنىڭ تاپسىرماسىمەن اۋە اپاتىنا بايلانىستى مەملەكەتتىك كوميسسيا قۇرىلدى.