اقتاۋدا 10 مىڭ ادامعا ارنالعان زاماناۋي ستاديون سالىنادى
اقتاۋ. KAZINFORM - بۇل تۋرالى ماڭعىستاۋ وبلىسى اكىمىنىڭ باسپا ءسوز قىزمەتى حابارلادى. ءوڭىر باسشىسى نۇرداۋلەت قيلىبايدىڭ توراعالىعىمەن وتكەن جيىندا اقتاۋ قالاسىندا سالىناتىن جاڭا ستاديوننىڭ تۇجىرىمداماسى تالقىلانعان.
- جوبانى «قازاق ەنەرگەتيكا جانە بايلانىس عىلىمي-زەرتتەۋ جوبالاۋ ينستيتۋتى» ج ش س وكىلدەرى تانىستىردى. جوسپار بويىنشا اقتاۋدا 10000 كورەرمەنگە ارنالعان كوپفۋنكتسيونالدى ستاديون بوي كوتەرەدى. جاڭا سپورت نىسانى زاماناۋي تالاپتارعا ساي سالىنىپ، فۋتبول اكادەمياسىمەن جابدىقتالادى. مۇندا سپورتشىلارعا قاجەتتى بارلىق جاعداي جاسالىپ، وقۋ-جاتتىعۋ الاڭدارى، كيىم اۋىستىراتىن بولمەلەر، مەديتسينالىق پۋنكت پەن جاتتىعۋ زالدارى قاراستىرىلادى، - دەلىنگەن حابارلامادا.
جوبالاۋ جۇمىستارى كەلەسى جىلى تولىق اياقتالىپ، قۇرىلىس كەزەڭىنە ءوتۋ جوسپارلانعان. وبلىس اكىمى نۇرداۋلەت قيلىباي جوبالاۋ-ىزدەستىرۋ جۇمىستارىن باقىلاۋدا ۇستاۋدى جانە بەلگىلەنگەن مەرزىمدە اياقتاۋدى تاپسىردى.
بۇعان دەيىن، ماڭعىستاۋدا 90 مىڭ گەكتاردان استام جەر مەملەكەت مەنشىگىنە قايتارىلعانى تۋرالى جازعان بولاتىنبىز.
