اقتاۋ تۇبىندەگى ۇشاق اپاتىنىڭ الدىن الا سەبەپتەرى كەلەسى اپتادا ايتىلادى

استانا. KAZINFORM - پرەمەر- ءمينيستردىڭ ورىنباسارى قانات بوزىمبايەۆ اقتاۋ تۇبىندەگى ۇشاق اپاتىنىڭ الدىن الا سەبەپتەرى كەلەسى اپتادا ايتىلاتىنىن ءمالىم ەتتى.

Ақтау түбіндегі ұшақ апатының алдын ала себептері келесі аптада айтылады
Фото: t.me/qr_tjm

- قازىر تەكسەرۋ ءجۇرىپ جاتىر. كولىك مينيسترلىگى جانىنان قۇرىلعان ارنايى توپ بار. ونىڭ ىشىندە ءبىزدىڭ دە ساپارشىلار، رەسەي تاراپىنىڭ، برازيليانىڭ ماماندارى، ICAO تاراپىنان نيدەرلاند ەلىنىڭ ءبىر وكىلى.  قازىر «قارا جاشىكتىڭ» دىبىس دەرەكتەرىن قاراپ جاتىر. ۇشاقتىڭ رەجيمدەرىن قاراپ ولاردى سايكەستەندىرەدى. ارينە، ءول بىراز جۇمىس. ويتكەنى ونى دالەلدەۋ ءۇشىن تەكسەرۋ جاسايدى. ولاردىڭ داۋىسى ما، باسقا داۋىس پا دەگەن سياقتى. قاي مينۋتتا، قاي سەكۋندتا كىم نە ايتقانىن، كىمنىڭ قانداي پارمەن بەرگەنىن زەرتتەيدى، - دەدى ول ۇكىمەت ۇيىندەگى باسپا ءسوز ءماسليحاتىندا.

ونىڭ ايتۋىنشا، ICAO- نىڭ ستاندارتى بويىنشا اۋە اپاتىنىڭ الدىن الا سەبەپتەرى ءبىر ايدىڭ ىشىندە جاريالانۋى كەرەك.

- وسى ماسەلەلەردىڭ ءبارىن كەلەسى اپتادا بىتىرەدى دەپ ويلايمىن. اياقتايتىن سياقتى. ICAO نىڭ تالاپتارىنا سايكەس ءبىر ايدىڭ ىشىندە الدىن الا قورىتىندىلاردى جاريالاۋ كەرەك. سول ۇسىنىمدارعا سۇيەنسەك، كەلەسى اپتادا ءبىزدىڭ جاۋاپتى مينيسترلىك ءتيىستى اقپاراتتى بەرەدى، - دەدى قانات بوزىمبايەۆ.

ايتا كەتەيىك، 25 - جەلتوقساندا اقتاۋ ماڭىندا باكۋدەن گروزنىيعا باعىت العان AZAL جولاۋشىلار ۇشاعى اپاتقا ۇشىراعان بولاتىن.

بورتتا 67 ادام، ونىڭ ىشىندە بەس ەكيپاج مۇشەسى بولعان. اپات سالدارىنان 38 جولاۋشى قازا تاۋىپ، 29 ادام امان قالدى.

بۇعان دەيىن قازاقپارات برازيليا اسكەري- اۋە كۇشتەرىنىڭ اۋە اپاتتارىن زەرتتەۋ ورتالىعىنىڭ (Cenipa) ماماندارى AZAL اۋە كومپانياسىنىڭ اپاتقا ۇشىراعان Embraer 190 ۇشاعىنىڭ قارا جاشىگىن تالداۋعا كىرىسكەنىن حابارلاعان بولاتىن.

قازاقستان رەسپۋبليكاسى كولىك ۆيتسە- ءمينيسترى تالعات لاستايەۆ قازاقپارات تىلشىسىنە اۋە اپاتىن تەرگەۋدىڭ الدىن الا قورىتىندىسى قاشان بەلگىلى بولاتىنىن ايتتى.

30 - جەلتوقساندا حالىقارالىق اۋە كولىگى قاۋىمداستىعى (IATA) وقيعانى جان- جاقتى جانە بەيتاراپ تەرگەۋگە شاقىردى.

جاقىندا ق ر كولىك مينيسترلىگى اقتاۋ ماڭىنداعى ۇشاق اپاتىنا قاتىستى مالىمدەمە جاسادى.

سوڭعى جاڭالىقتار