اقتاۋ تۇبىندە قۇلاعان ازەربايجاندىق ۇشاقتىڭ ەكسكليۋزيۆتى سۋرەتتەرى جاريالاندى
استانا. KAZINFORM - ازەربايجاننىڭ AnewZ تەلەارناسى 25 - جەلتوقساندا اقتاۋ تۇبىندە قۇلاعان ۇشاقتىڭ اپاتتان كەيىنگى كەيىنگى كورىنىسى تۋرالى ەكسكليۋزيۆتى كادرلار جاريالادى.
اگەنتتىك مالىمەتىنشە، ۇشاق فيۋزەلياجىنىڭ سۋرەتتەرىنەن، باسقا دا سۋرەتتەردەن سىرتتان كيلىگۋ اسەرىنەن بولعان ءبۇلىنۋ بەلگىلەرىن كورۋگە بولادى. ناقتى ايتقاندا، جارىقشاقتاردىڭ ءىزى ايقىن بەينەلەنگەن. بۇل كەسكىندەر اۋەلدە ايتىلعان قۇستارمەن سوقتىعىسۋ نەمەسە وتتەگى باللونىنىڭ جارىلۋى سياقتى بولجامدارعا كۇمان تۋدىرادى.
- ازەربايجان ۇكىمەتىندەگى دەرەككوزدىڭ مالىمەتى بويىنشا تەرگەۋدىڭ الدىن الا قورىتىندىسى ۇشاقتى گروزنىيعا جاقىنداپ قالعاندا رەسەيلىك «پانتسير- س» اۋە شابۋىلىنا قارسى قورعانىس كەشەنىنەن ۇشىرىلعان زىمىران قۇلاتقانىن بولجايدى. بۇعان دەيىن سيفرلىق دامۋ جانە كولىك ءمينيسترى راشاد نابيەۆ زىمىران اتىلعانىن، قانداي ءتيپتى زىمىران ەكەنى انىقتالىپ جاتقانىن ءمالىم ەتكەن. ازەربايجان پرەزيدەنتى يلحام اليەۆ ۇشاقتى رەسەيدىڭ اۋە شابۋىلىنا قارسى قورعانىسى رەسەي اۋماعىندا بايقاۋسىزدا اتقانىن مالىمدەدى. ازەربايجان باسشىسى كىنالى تاراپ ايىبىن تولىق مويىنداپ، كىنالىلەردى جازالاۋدى، قۇربانداردىڭ وزىنە جانە وتباسىنا وتەماقى تولەۋدى تالاپ ەتتى، - دەلىنگەن ماتەريالدا.
بۇعان دەيىن اقتاۋ تۇبىندەگى ۇشاق اپاتىنىڭ سەبەپتەرى قاشان ناقتى ايتىلاتىنى بەلگىلى بولعان ەدى.
30 - جەلتوقساندا قازاقستان بورتتاعى وزدىگىنەن جازعىش قۇرالداردى برازيلياعا جىبەردى.
