اقتاۋ ماڭىنداعى ۇشاق اپاتى: اۋرۋحاناداعى ناۋقاستاردىڭ جاعدايى قالاي

اقتاۋ. KAZINFORM - ماڭعىستاۋ وبلىستىق كوپبەيىندى اۋرۋحاناسى ۇشاق اپاتىنان زارداپ شەككەن ناۋقاستاردىڭ قازىرگى جاعدايىن مالىمدەدى.

- قازىرگى تاڭدا اۋرۋحانادا اقتاۋداعى ۇشاق اپاتىنان زارداپ شەككەن 6 ناۋقاس ەم الىپ جاتىر.

ونىڭ 4 جانساقتاۋ ورتالىعىندا. بىرەۋىنىڭ جاعدايى وتە اۋىر. ۇشەۋىنىڭ جاعدايى تۇراقتى اۋىر.

2 ناۋقاس تراۆماتولوگيا بولىمشەسىندە ەمدەرىن جالعاستىرۋدا، - دەپ جازدى دەنساۋلىق ساقتاۋ مەكەمەسىنەن.

وبلىستىق كوپبەيىندى اۋرۋحانادا ەم الىپ جاتقان 6 ناۋقاستىڭ 3 ۋى ازەربايجان، 3 ۋى قىرعىز ەلىنىڭ ازاماتى. ولار ەمدەرىن تولىق كولەمدە الۋدا.

بۇعان دەيىن ماڭعىستاۋلىقتار ۇشاق اپاتىنان زارداپ شەككەن 9 رەسەيلىك ازاماتتى ماسكەۋگە شىعارىپ سالدى.