اقتاۋ ماڭىندا بولعان ۇشاق اپاتىنان قازا تاپقان ءبىر ادامنىڭ اتى-ءجونى انىقتالدى
اقتاۋ. KAZINFORM - ماڭعىستاۋ وبلىستىق دەنساۋلىق ساقتاۋ باسقارماسىنىڭ ساعات 10:30 داعى مالىمەتى بويىنشا اۋرۋحاناعا كەلىپ تۇسكەن بارلىق پاتسيەنت ق ر د س م دياگنوستيكا جانە ەمدەۋ حاتتاماسىنا سايكەس تولىق كولەمدە ەم الىپ جاتىر.
وبلىس اكىمدىگىنىڭ مالىمەتىنشە، تەرگەۋ ورگاندارى 2 پاتسيەنتتىڭ جەكە باسىن انىقتاۋ بويىنشا جۇمىس جۇرگىزدى، ولاردىڭ بىرەۋى انىقتالىپ، ءازىربايجان ازاماتتىعى انىقتالدى. سونداي-اق، سانيتارلىق اۆياتسيا جەلىسى بويىنشا استانا قالاسىنان ۇلتتىق شۇعىل مەديتسينا ۇيلەستىرۋ ورتالىعىنىڭ جانە جەتەكشى رەسپۋبليكالىق ورتالىقتاردىڭ جوعارى بىلىكتى ماماندارى كەلدى.
جوعارىدا اتالعان مامانداردان باسقا، ءازىربايجان رەسپۋبليكاسىنىڭ دەنساۋلىق ساقتاۋ مينيسترلىگى مەن ت ج م ارنايى كەڭەسى، ساناۆياتسيا بريگاداسى كەلدى. بارلىق زارداپ شەككەن ناۋقاستارعا تەكسەرۋ جۇمىسى جۇرگىزىلدى. سونداي-اق زارداپ شەككەندەرمەن جانە ولاردىڭ تۋىستارىمەن پسيحولوگتار توبى جۇمىس ىستەپ جاتىر.
بۇگىن 2024 -جىلى 26- جەلتوقسان تاڭەرتەڭ اقتاۋ ۋاقىتىمەن ساعات 08:30-دا رەسەي فەدەراتسياسىنىڭ ت ج م ورتالىق اپپاراتىنىڭ سانيتارلىق اۆياتسيا بورتىندا رەسەي فەدەراتسياسىنىڭ ازاماتتارى ەۆاكۋاتسيالاندى. قازىرگى ۋاقىتتا اۋرۋحانادا 20 ناۋقاس باقىلاۋدا، ونىڭ 6 سى رەانيماتسيادا: 5 ى م و ب س و ر-دا جانە 1 ى ماڭعىستاۋ وبلىستىق بالالار اۋرۋحاناسىنىڭ رەانيماتسياسى بولىمىندە. م و ب س و ر-دان 2 پاتسيەنت تراۆماتولوگيا بولىمشەسىنە اۋىستىرىلدى.
ماڭعىستاۋلىقتار ۇشاق اپاتىنان زارداپ شەككەن 9 رەسەيلىك ازاماتتى ماسكەۋگە شىعارىپ سالعانىن جازعان بولاتىنبىز.
