اقساي قالاسىندا وق اتىپ، ەر ادامدى جاراقاتتاعان تۇرعىن ۇستالدى
ورال. KAZINFORM - ب ق و-نىڭ اقساي قالاسىندا وق اتىپ، ەر ادامدى اياعىنان جاراقاتتاعان تۇرعىن ۇستالدى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 18-اقپان كۇنى بولدى.
«سول كۇنى كەشكىسىن كۇدىكتى كورشىسىنىڭ ۇيىنە بارادى. كەيىن سول ۇيگە قوناققا كەلگەن ەر ادام ەكەۋىنىڭ اراسىندا جانجال تۋىندايدى. سودان كەيىن كۇدىكتى كەتىپ قالىپ، قايتا ورالىپ كەلىپ، وق اتا باستايدى. ونىڭ ءبىر وعى اۋلادا تۇرعانداردىڭ ءبىرىنىڭ اياعىنا تيەدى. وق اتقان ادام وقيعا ورنىنان قاشىپ كەتەدى. ءبورلى اۋداندىق پوليتسيا ءبولىمىنىڭ قىزمەتكەرلەرى كۇدىكتىنى ۇستاۋ ءۇشىن دەرەۋ جەدەل ىزدەستىرۋ شارالارىن جۇرگىزدى. ناتيجەسىندە پوليتسيا قىزمەتكەرلەرى كۇدىكتىنى وقيعانىڭ ءىزىن سۋىتپاي قولعا ءتۇسىردى، ول ۋاقىتشا ۇستاۋ يزولياتورىنا قاماۋعا الىندى. قىلمىستىق قارۋ تاركىلەنىپ، ءىس ماتەريالدارىنا تىگىلدى. قازىرگى كەزدە ادام ولتىرۋگە وقتالۋ بابى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە»، - دەپ حابارلادى ۆەدومستۆودان.
