اقمولاداعى ستۋدەنت ءولىمى: 4 ادام ۇستالدى

ىشكى ىستەر ءمينيسترى ەرجان سادەنوۆ اقمولا وبلىسىنداعى ستۋدەنت ولىمىنە تۇسىنىك بەردى، دەپ حابارلايدى Kazinform.

«بۇل وقيعانىڭ ءمان-جايىن انىقتادىق. ءىس تەرگەلدى، بىرنەشە قىلمىستىق ءىس قوزعالدى. ءبىراق بۇل جاعداي كىسى ءولتىرۋ ەمەس ەكەنى انىق. ءبىز مۇنى دالەلدەدىك. دەگەنمەن بۇزاقىلىق، بوپسالاۋ دەرەكتەرى بولدى. بۇل تۇرعىدا جابىرلەنۋشىمەن بۇرىن تانىس بولعان ءتورت ادام جاۋاپكەرشىلىككە تارتىلىپ، قاماۋعا الىندى. اتاپ ايتقاندا، ستۋدەنتتىڭ سۋيتسيد جاساعانى انىقتالدى»، - دەدى ە. سادەنوۆ ماجىلىستە وتكەن ۇكىمەت ساعاتىنان كەيىن تىلشىلەر سۇراعىنا جاۋاپ بەرە وتىرىپ.

ەسكە سالايىق، بيىل 7- قازاندا اقمولا وبلىسىندا تەمىرجولدان ستۋدەنتتىڭ دەنەسى تابىلعانىن حابارلاعان ەدىك.

19 جاستاعى ستۋدەنت ءبىر كۇن بۇرىن وزىنە قول جۇمساعان.

كەيىننەن پرەزيدەنت شۋچە قالاسىنداعى ستۋدەنتتىڭ ولىمىنە قاتىستى ءىستى جەكە باقىلاۋىنا الدى.

مەملەكەت باسشىسى ىشكى ىستەر مينيسترىنە اتالعان ءىستىڭ ءمان-جايىن جان-جاقتى تەكسەرۋدى تاپسىردى.

جاقىندا شۋچەدەگى ستۋدەنت ولىمىنە قاتىستى ءىس سوت قاراۋىنا جىبەرىلەدى.