اقمولادا ەكى جىلدان بەرى العاش رەت ۇشەم دۇنيەگە كەلدى
كوكشەتاۋ. KAZINFORM - اقمولا وبلىسىنىڭ زەرەندى اۋدانىندا ۇشەم دۇنيەگە كەلدى.
ءبىر ۇل جانە ەكى قىزدى دۇنيەگە اكەلگەن - گرانيتنىي اۋىلىنىڭ تۇرعىنى ماقپال ءجۇنىسوۆا.
ول وسى جىلدىڭ -3شىلدەسىندە اقمولا وبلىستىق كوپبەيىندى اۋرۋحاناسىنىڭ پەريناتالدى ورتالىعىندا بوسانعان.
ءبىرىنشى دۇنيە ەسىگىن اشقان ەر بالا - سالماعى 2 كەلى 377 گرام، بويى 46 سانتيمەتر، ەكىنشى بولىپ قىز بالا — سالماعى 2 كەلى 43 گرام، بويى 44 سانتيمەتر، ءۇشىنشى نارەستە — سالماعى 2 كەلى 221 گرام، بويى 44 سانتيمەتر بولىپ تۋدى.
بۇل وتباسىندا بۇدان باسقا تاعى ءۇش بالا بار.
دارىگەرلەردىڭ ايتۋىنشا، قازىرگى كەزدە انا مەن سابيلەردىڭ جاعدايى جاقسى.
«قازىرگى كەزدە نارەستەلەردىڭ جاعدايى ءبىرقالىپتى، اناسىمەن بىرگە ارنايى بولمەدە تىنىعىپ جاتىر. مەديتسينالىق پەرسونال جاڭا تۋعان نارەستەلەردى كۇتىپ باعۋعا جانە ەمىزۋگە كومەكتەسەدى. وتا شتاتتىق رەجيمدە ءساتتى ءوتتى، 41 مينۋتقا سوزىلعان وپەراتسيا بارىسىندا ەشقانداي اۋىتقۋ بولعان جوق»، - دەدى اقمولا وبلىستىق كوپبەيىندى اۋرۋحاناسى پەريناتالدىق ورتالىعىنىڭ اكۋشەر-گينەكولوگى انگەلينا كورنيلوۆا.
اقمولا وبلىسىنىڭ دەنساۋلىق ساقتاۋ باسقارماسىندا وڭىردە ۇشەمنىڭ تۋۋى - وتە سيرەك كەزدەسەتىن قۇبىلىس.
سوڭعى رەت ۇشەم وڭىردە 2022-جىلى دۇنيەگە كەلگەن. 2024-جىلدىڭ بەس ايىندا وڭىردە 4 مىڭ 449 بالا تۋدى، ونىڭ ىشىندە 36 ەگىز، ياعني 72 بالا.
ال، ۇشەم بيىل العاش رەت تىركەلىپ وتىر.
ايتا كەتسەك، بۇدان بۇرىن شىمكەنتتە ۇشەم دۇنيەگە كەلگەنىن جازعان ەدىك.
