اقمولادا بوراندا جولعا شىققان مىڭداعان اۆتو پوليتسياعا ىلەسىپ جۇرۋگە ءماجبۇر بولدى

көлік
فوتو: اقمولا وبلىسى پ د

كوكشەتاۋ. KAZINFORM - اقمولا وبلىسىندا جولعا شىققان 2600 گە جۋىق اۆتوكولىك پوليتسيا كولىگىنە ىلەسىپ ءجۇردى.

«اۆتوكولىك كەپتەلىسىنە بايلانىستى جەرگىلىكتى پوليتسيا قىزمەتى باسقارماسىنىڭ پاترۋلدىك پوليتسيا باتالونى مەن روتاسىنىڭ قىزمەتكەرلەرى جول قوزعالىسى قاۋپسىزدىگىن قامتاماسىز ەتتى. بارلىعى 11 كولونناعا تىزبەكتەلگەن 2600 گە جۋىق اۆتوكولىك پوليتسياعا ىلەسىپ ءجۇردى، ونىڭ ىشىندە «استانا- شۋچە» باعىتىندا 820 جەڭىل جانە 179 جۇك كولىگى، «قاراعاندى- پاۆلودار» باعىتىنداعى 1300 جەڭىل جانە 365 جۇك كولىگى بار»، - دەدى ۆەدومستۆودان.

ايتۋىنشا، قازىرگى كەزدە قولايسىز اۋا رايىنا بايلانىستى وبلىس اۋماعىندا 12 جول ۋچاسكەسى جابىلعان.

جول قوزعالىسى قاۋپسىزدىگىن قامتاماسىز ەتۋگە 109 پوليتسيا قىزمەتكەرى جانە 59 پاترۋلدىك اۆتوكولىك جۇمىلدىرىلعان.

ايتا كەتسەك، بۇدان بۇرىن استانادا بورانعا بايلانىستى بارلىق قىزمەت ءتۇرى كۇشەيتىلگەن رەجيمگە كوشكەنىن جازعان ەدىك.

سوڭعى جاڭالىقتار